କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଜିଲା ଓ ବ୍ଲକ ପ୍ରଶାସନ ମିଳିତରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଅଭିଯାନ ଶିବିର ଅନୁଷ୍ଠିତ ହୋଇଛି। ଏହି ଶିବିରରେ ଅନଲାଇନ ଓ ଅଫଲାଇନ ମାଧ୍ୟମରେ ୧୫୩ ଜଣ ଭିନ୍ନକ୍ଷମ ନାମ ପଞ୍ଜିକରଣ କରିଥିଲେ। ଜିଲା ସ୍ୱାସ୍ଥ୍ୟକେନ୍ଦ୍ରର ଦୃଷ୍ଟି ଶକ୍ତି ବାଧିତ ଡାକ୍ତର ଏମ୍ ସୁରେଶ କୁମାର, ଶ୍ରବଣ ଶକ୍ତି ଡାକ୍ତର ସଂଘମିତ୍ରା ପାତ୍ର, ବାକ ଶକ୍ତି ଡାକ୍ତର ସୁପ୍ରଭା ପଣ୍ଡା, ବୌଧିକ ଅକ୍ଷମତା ଡାକ୍ତର ସୁରେଶ ଚନ୍ଦ୍ର ଦେ, ଅସ୍ଥିଶଲ୍ୟ ଡାକ୍ତର ଏଲ କେ ସ୍ୱାମୀ, ଡାକ୍ତର ମମତା ଶତପଥୀ, ଡାକ୍ତର ମୀନକେତନ ଗମାଙ୍ଗ, ଡାକ୍ତର ଜଗନ୍ନାଥ ନାୟକ ସମେତ ସ୍ଥାନୀୟ ଭାମ୍ୟମାଣ ଡାକ୍ତର ପ୍ରକାଶ ଚନ୍ଦ୍ର ରାଉତ ଉପସ୍ଥିତ ରହି ରୋଗୀ ଚିକିତ୍ସା କରିଥିଲେ। ସେଥିରୁ ୧୬ ଜଣ ଦୃଷ୍ଟିହୀନ, ୨୧ଜଣ ଶ୍ରବଣ, ୬୪ ଜଣ ଦିବ୍ୟାଙ୍ଗ, ୪୭ଜଣ ପାଗଳ ଓ ୫ଜଣ ମସ୍ତିଷ୍କ ବିକୃତି ରୋଗୀ ରୋଗ ପରୀକ୍ଷା କରିଥିଲେ। ଏଥିରେ ଦିବ୍ୟାଙ୍ଗ ମାନଙ୍କୁ ଆବଶ୍ୟକ ଉପକରଣ ଯୋଗାଇ ଦିଆଯାଇଥିଲା।
Popular Categories
Previous article
Next article