ଗୋପାଳପୁର: ଗୋପାଳପୁର ପିଏମ ଶ୍ରୀ କେ ଭି ପକ୍ଷରୁ ଶିଶୁ ଦିବସ ପାଳନ କରାଯାଇଛି। ଏହି ପରିପ୍ରେକ୍ଷୀରେ ବିଦ୍ୟାଳୟର ଅଧକ୍ଷ ବି ଏନ୍ ଦାସ ପଣ୍ଡିତ ଜବାହରଲାଲ୍ ନେହେରୁଙ୍କ ଫଟୋଚିତ୍ର ସମ୍ମୁଖରେ ପ୍ରଦୀପ ପ୍ରଜ୍ବଳନ କରି ଶ୍ରଦ୍ଧାଞ୍ଜଳି ଅର୍ପଣ ପୂର୍ବକ ବିଦ୍ୟାର୍ଥୀମାନଙ୍କୁ ତାଙ୍କର ସୁଚିନ୍ତିତ ବକ୍ତବ୍ୟ ପ୍ରଦାନ କରିଥିଲେ। ଏହି ଅବସରରେ ପ୍ରାଥମିକ ଏଵଂ ମାଧ୍ୟମିକ ବର୍ଗର ଛାତ୍ରଛାତ୍ରୀମାନଙ୍କ ପକ୍ଷରୁ ସାଂସ୍କୃତିକ କାର୍ଯକ୍ରମ ପରିବେଷଣ ସହିତ ଶିଶୁ ମନୋଭାବ ଆଧାରିତ ଅଭିନୟ ପରିବେଷଣ କରାଯାଇଥିଲା। କୁନି କୁନି ପିଲାମାନେ ନିଜକୁ ଖୁବ ସୁନ୍ଦର ଭାବେ ସଜେଇ ଫ୍ୟାନ୍ସୀ ଡ୍ରେସ୍ କାର୍ଯକ୍ରମରେ ଭାଗ ନେଇଥିଲେ । ବିଦ୍ୟାଳୟ ପକ୍ଷରୁ ‘ବାଲ୍ୟ ଉତ୍ସବ’ର ଆୟୋଜନ କରାଯାଇଥିବା ବେଳେ ଏଥିରେ ପାଖାପାଖି ୯୫ଟି ଷ୍ଟଲ୍ ରେ ୧୫୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଭାଗ ନେଇଥିଲେ। ସେମାନେ ଏଥିରେ ବିଭିନ୍ନ ପ୍ରକାର ଖାଦ୍ୟ ସାମଗ୍ରୀ ସହିତ, ପୁସ୍ତକ, ହାତତିଆରି ଦୀପ, ହସ୍ତଶିଳ୍ପର ସୁନ୍ଦର ଉପକରଣମାନ ପରିବେଷଣ କରିଥିଲେ। ଅଧ୍ୟକ୍ଷ ମହୋଦୟଙ୍କ ପତ୍ନୀ ମମତା ଦାସ ବାଲ୍ୟ ମେଳାର ଉଦ୍ଘାଟନ କରିଥିଲେ। ଅଧ୍ୟକ୍ଷ ଏବଂ ତାଙ୍କ ପତ୍ନୀ ବିଭିନ୍ନ ଷ୍ଟଲ୍ ମାନ ବୁଲି ବିଭିନ୍ନ ଉପକରଣ କିଣି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ। ବିଦ୍ୟାଳୟର ପ୍ରଧାନ ଶିକ୍ଷକ ଜଗଦୀଶ ପ୍ରତାପ ସେନାପତି ଏବଂ ଅନ୍ୟ ପ୍ରାଥମିକ ଶିକ୍ଷକମାନେ କାର୍ଯକ୍ରମର ସୁପରିଚାଳନା କରିଥିଲେ।
Comments are closed.