ଆରଡି: ପବିତ୍ର ପଞ୍ଚକବ୍ରତ ଓ ରାହାସପୂର୍ଣ୍ଣିମା ପାଇଁ ଉତ୍ସବ ମୁଖର ହୋଇ ଉଠିଛି ପୁରାତନ ଶୈବକ୍ଷେତ୍ର ଆରଡିଧାମର ବାବା ଆଖଣ୍ଡଳମଣିଙ୍କ ମନ୍ଦିର। ଆଜି ଦୁର୍ଲଭ ହରଗୌରୀ ବେଶରେ ଦର୍ଶନ ଦେବେ ଭକ୍ତଙ୍କୁ।ମଣିବାବାଙ୍କ ମନ୍ଦିରରେ ସ୍ବତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଥାଏ କାର୍ତ୍ତିକମାସରେ। ଭୋର ୪ଟାରେ ଦ୍ଵାର ଫିଟା ନୀତି ସହ ମଙ୍ଗଳ ଆଳତୀ, ଘର୍ଷଣଲାଗି, ଜଳାଭିଷେକ ନୀତି ସହ ବାବାଙ୍କୁ ଦିଗମ୍ବର ବେଶରେ ସଜ୍ଜିତ କରାଯାଇ ପହିଲା ଭୋଗ ଲାଗି କାରାଯାଉଛି। ସକାଳ ୫ଟାରୁ ଆଗନ୍ତୁକ ଭକ୍ତମାନଙ୍କର ଦର୍ଶନ ଓ ପୂଜାର୍ଚ୍ଚନା ପାଇଁ ରାତ୍ର ୧୦ଟା ଯାଏଁ ସାହଣମେଲା କରାଯାଉଛି। ଭକ୍ତମାନଙ୍କର ଭିଡକୁ ଦୃଷ୍ଟିରେ ରଖି ମନ୍ଦିର ଓ ପୋଲିସ ପ୍ରଶାସନ ପକ୍ଷରୁ ମନ୍ଦିର ଭିତରେ ଓ ବାହାରେ କଡା ସୁରକ୍ଷା ବ୍ୟବସ୍ଥା ସହିତ ଦର୍ଶନ ପାଇଁ ସ୍ଵତନ୍ତ୍ର ବ୍ୟାରିକେଡ ବ୍ୟବସ୍ଥା କରାଯାଇଛି। ତାହାସହ ଜଳପଥରେ ଆସୁଥିବା ଭକ୍ତମାନେ ଯେପରି ସୁରକ୍ଷିତ ଭାବେ ମଣିବାବାଙ୍କ ପୀଠକୁ ଆସି ଫେରିବେ ସେଥିପାଇଁ ୩ଟି ନଦୀଘାଟରେ ନିୟୋଜିତ ଥିବା ମଟରବୋଟରେ ଅଧିକ ସଂଖ୍ୟକ ଯାତ୍ରୀ ପାରି ନକିରିବାକୁ ବୋଟ ଚାଳକଙ୍କୁ ତାଗିଦ କରିଛି ପ୍ରଶାସନ।
Popular Categories
Previous article
Next article