ଗଂଜାମ: ପବିତ୍ର ଦୀପାବଳି ଉପଲକ୍ଷେ ଇକୋ ୱାରିୟର ପରିବାର ତରଫରୁ ଛତ୍ରପୁର ବ୍ଲକ ଅଗସ୍ତିନୂଆଗାଁ ସ୍ଥିତ ଚିଦାନନ୍ଦ ଦିବ୍ୟଧାମ ବୃଦ୍ଧ ଆଶ୍ରମରେ ଇକୋ ୱାରୀୟର ପରିବାର ଦୀପ ପ୍ରଜ୍ଜ୍ୱଳନ କରି ଦୀପାବଳୀ ପାଳନ କରାଯାଇଥିଲା। ଦୀପାବଳିରେ ଇକୋ ୱାରିୟର ଗଂଜାମର ନିଆରା ପ୍ରୟାସ, ବାଣ ବଦଳେ ଫୁଟାଇଛନ୍ତି ହସ। ରାସାୟନିକ ବାଣକୁ ନା କହି, ସ୍ଥାନୀୟ ଆଶ୍ରମରେ ବୃଦ୍ଧ ବାପା ମାଙ୍କ ସହ ଦୀପାବଳି ପାଳନ କରିଛନ୍ତି। ଏମିତି କିଛି ନିଆର ଚିନ୍ତାଧାର ସହ ନିଜର ଦୀପାବଳି ପାଳନ କରିଛନ୍ତି ଇକୋ ୱାରୀୟର ପରିବାର। ଏହି ଅବସରରେ ମୁଖ୍ୟ ଅତିଥି ଭାବେ ଗଞ୍ଜାମ ଥାନା ଅଧିକାରିଣୀ ସୁମିତ୍ରା ପାତ୍ର ଯୋଗ ଦେଇ ଆଶ୍ରମର ସମସ୍ତ ଅନ୍ତେବାସୀଙ୍କୁ ଶୀତବସ୍ତ୍ର ବଣ୍ଟନ, ଖାଦ୍ୟ ବଣ୍ଟନ କରିଥିଲେ। ସମ୍ମାନୀତ ଅତିଥି ଭାବରେ ଛତ୍ରପୁର ଅଷ୍ଟମ ବାଟାଲିୟନ ସିପାହୀ ସଙ୍ଗ ସଭାପତି ଯଶୋବନ୍ତ ସ୍ବାଇଁ, ସହ-ସମ୍ପାଦକ କେ. ହେମାନନ୍ଦ ରେଡ୍ଡୀ, ଉପସ୍ଥିତ ରହି ଅନ୍ତେବାସୀଙ୍କୁ ଉତ୍ସାହିତ କରିଥିଲେ। ଅନ୍ତେବାସୀ ଇକୋ ପରିବାରର ସମସ୍ତ ସଦସ୍ୟଙ୍କୁ ଏହିପରି କାର୍ଯ୍ୟ ପାଇଁ ସାଧୁବାଦ ଜଣାଇଥିଲେ।
Comments are closed.