ନୀଳଗିରି: ବାଲେଶ୍ୱର ଜିଲା, ନୀଳଗିରି-କପ୍ତିପଦା ପୂର୍ତ୍ତ ରାସ୍ତାର ତେଲିପାଳଠାରେ ଥିବା ଇଣ୍ଡିଆନ ଅଏଲ ପେଟ୍ରୋଲ ପମ୍ପରେ ୪ ହଜାର ଟଙ୍କାର ପେଟ୍ରୋଲ ପକାଇ ଏକ କାର୍ ଛୁ ମାରିବା ଘଟଣା ଅଞ୍ଚଳରେ ଆଲୋଡ଼ନ ଖେଳାଇ ଦେଇଛି। କାର୍ର ଚାଳକ ପେଟ୍ରୋଲ ପକାଇବାକୁ କହିବାରୁ ଟାଙ୍କିରେ ଥିବା କର୍ମଚାରୀ ଜ୍ଞାନରଞ୍ଜନ ଦାସ ୪ ହଜାର ଟଙ୍କାର ପେଟ୍ରୋଲ ଭର୍ତ୍ତି କରିଥିଲେ। କିନ୍ତୁ ପେଟ୍ରୋଲ ପକାଇ ସାରିବା ପରେ କାରଟି ଦ୍ରୁତଗତିରେ କପ୍ତିପଦା ରାସ୍ତାରେ ଚମ୍ପଟ ମାରିଥିଲା। ଗାଡ଼ି ନମ୍ବର ଦେଖିବାକୁ କର୍ମଚାରୀ ଜଣକ ଚେଷ୍ଟା କରିଥିଲେ ହେଁ ଉକ୍ତ ନମ୍ବର ପ୍ଲେଟରେ ଗୋବର ଲେପ ଦିଆଯାଇଥିଲା। ଏନେଇ ଟାଙ୍କି ମାଲିକ ତପନ ରାଉତ ସଙ୍ଗେ ସଙ୍ଗେ କପ୍ତିପଦା ପୁଲିସକୁ ଖବର ଦେଇଥିଲେ ହେଁ କାରଟି ସେହି ରାସ୍ତାରେ ନଯାଇ ତରତରୀ-ଉଦଳା ରାସ୍ତାରେ ଖସି ପଳାଇଛି। ଏ ସମ୍ପର୍କରେ ଟାଙ୍କି ମାଲିକ ଶ୍ରୀ ରାଉତ ବରହମପୁର ଥାନାରେ ଏକ ଏତଲା ଦାଏର କରିଛନ୍ତି ।
Popular Categories
Previous article
Next article