ଫୁଲବାଣୀ: ପୁରୀ ଜିଲ୍ଲାର ପିପିଲି ଠାରେ ଗାର ଦୁଇ ଦିନ ଧରି ପୁରୀ ଜିଲ୍ଲା ତାଇକ୍ଵଣ୍ଡୋ ସଂଘ ଦ୍ୱାରା ଅନୁଷ୍ଠିତ ହୋଇଥିବା ରାଜ୍ୟ ତାଇକ୍ଵଣ୍ଡୋ ପ୍ରତିଯୋଗିତା କଳିଙ୍ଗ କପରେ ଯୋଗଦାନ ଦେବା ପାଇଁ କନ୍ଧମାଳ ଜିଲ୍ଲାରୁ ବିଭିନ୍ନ ବର୍ଗରୁ ୩ ଜଣ ଛାତ୍ରଛାତ୍ରୀ ମନୋନୀତ ହୋଇଯାଇଥିଲେ। କନ୍ଧମାଳ ଜିଲ୍ଲା ପକ୍ଷରୁ ଖେଳିବା ପାଇଁ ଦେବାଶିଷ ପ୍ରଧାନ ଓ ଶାଲିନୀ ସିଂଙ୍କ ତତ୍ୱାବଧାନରେ ବିଦେଶୀ ସାହୁ ଓ ରଶ୍ମିତା ସାହୁଙ୍କ ତିନି ପୁତ୍ର ପୁତ୍ରୀ ଓମ୍ ସାଇରାମ ସାହୁ ସବ ଜୁନିଅର ପୁରୁଷ ୩୦ କିଲୋଗ୍ରାମ ବର୍ଗରେ, ଶୁଭଶ୍ରୀ ସାହୁ ଜୁନିଅର ମହିଳା ୪୫ କିଗ୍ରା ବର୍ଗରେ ଓ ସୁଇଟି ସାହୁ ସିନିଅର ମହିଳା ୪୯ କିଗ୍ରା ବର୍ଗରେ ସ୍ଵର୍ଣ ପଦକ ହାସଲ କରିଛନ୍ତି। ତଥା ପୁମସିରେ ମଧ୍ୟ ଓମ୍ ସାଇରାମ ସାହୁ ସବ ଜୁନିଅର ପୁରୁଷ ବର୍ଗରେ ରୌପ୍ୟ ପଦକ, ଶୁଭଶ୍ରୀ ସାହୁ ଜୁନିଅର ମହିଳା ବର୍ଗରେ ତାମ୍ର ପଦକ ଓ ସୁଇଟି ସାହୁ ସିନିଅର ମହିଳା ବର୍ଗରେ ସ୍ଵର୍ଣ ପଦକ ହାସଲ କରିଛନ୍ତି। କନ୍ଧମାଳର ତିନି ଖେଳାଳିଙ୍କ କୃତିତ୍ୱ ପାଇଁ କନ୍ଧମାଳ ଜିଲ୍ଲା ତଥା କୋଚ ଓ କନ୍ଧମାଳ ତାଇକ୍ଵଣ୍ଡୋ ସଂଘର ସମ୍ପାଦକ ପ୍ରମୁଖ ଶୁଭେଚ୍ଛା ଜଣାଇଛନ୍ତି। ଆଗାମୀ କିଛି ମାସ ପରେ ହେବାକୁ ଥିବା ଜାତୀୟସ୍ତରୀୟ ତାଇକ୍ଵଣ୍ଡୋ ପ୍ରତିଯୋଗୀତାରେ କିପରି ପଦକ ଆଣିବା ପାଇଁ ଭଲ ପ୍ରୟାସ ରହିବ ସେଥିପାଇଁ ମଧ୍ୟ ବାର୍ତ୍ତା ଦେଇଛନ୍ତି।
Comments are closed.