ଫୁଲବାଣୀ: ସ୍ଥାନୀୟ ଜଗନ୍ନାଥ ମନ୍ଦିର ପ୍ରାଙ୍ଗଣରେ କନ୍ଧମାଳ ଜିଲା ବରିଷ୍ଠ ନାଗରିକ ସଂଘ ଫୁଲବାଣୀ ଶାଖାର ପକ୍ଷରୁ ବିଶ୍ୱ ବରିଷ୍ଠ ନାଗରିକ ଦିବସ ଜିଲା ସଭାପତି ସର୍ବେଶ୍ୱର ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ଏଥିରେ ବରିଷ୍ଠ ନାଗରିକ ସ୍ୱାଭିମାନ, ସ୍ୱାଧୀନତା ଓ ସମାଜ ସୁଯୋଗ ପାଇବା ସହିତ ସାମାଜିକ ପ୍ରକ୍ରିୟାରେ କିଭଳି ନିଜକୁ ସାମିଲ୍ କରିପାରିବେ ସେ ଉପରେ ମତ ରଖିଥିଲେ। ଜିଲା ସଂଘର ସଂପାଦକ ପଦ୍ମଚରଣ ସାହୁ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ବରିଷ୍ଠ ଉପଦେଷ୍ଟା ଡ଼.ରାଜ କିଶୋର ବେହେରା ବିଭିନ୍ନ ଦିଗ ଉପରେ ଆଲୋଚନା କରିଥିଲେ। ଅନ୍ୟମାନଙ୍କ ମଧ୍ୟରେ ସଂଗଠନ ସଂପାଦକ ପ୍ରସନ୍ନ କୁମାର ସାହାଣୀ, ସୁବାସ ଚନ୍ଦ୍ର ନାୟକ, କାଶିନାଥ ମହାରଣା, ମୋଚିରାମ ମିଶ୍ର, ସୁନିଲ୍ କୁମାର ଭଞ୍ଜ, ରବିନାରାୟଣ ସୁବୁଦ୍ଧି, ଅଶୋକ ପଟନାୟକ, ସଚିଦାନନ୍ଦ ପଟନାୟକ, ପ୍ରମୋଦ ପଟନାୟକ ଓ ଅନ୍ୟମାନେ ମଧ୍ୟ ଉଦ୍ବୋଧନ ଦେଇଥିଲେ।
Comments are closed.