ପାଟଣା: ସାହାରପଡା ବ୍ଲକ ଅଞ୍ଚଳରେ ଗୁରୁବାର କାଳ ବୈଶାଖୀ ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଛି। ଅପରାହ୍ନରେ ହଠାତ ବର୍ଷା ସାଙ୍ଗକୁ ଜୋରରେ ପବନ ବହିବା ସହ ଘନଘନ ବଜ୍ରପାତ ହୋଇଥିଲା। ଏହି ସମୟରେ ବାଲିପଶି ଗ୍ରାମରେ ୧୦ରୁ ଅଧିକ ଘରର ଛପର ଉଡିଯିବା ସହ ଶହ ଶହ ଗଛ ଉପୁଡି ପଡିଛି। ଗ୍ରାମରେ ଥିବା ଅଙ୍ଗନବାଡି କେନ୍ଦ୍ର ଉପରେ ବିରାଟ ଗଛ ଡାଳ ପଡିଯିବାରୁ ଅଙ୍ଗନବାଡି କେନ୍ଦ୍ର ଆଂଶିକ କ୍ଷତିଗ୍ରସ୍ତ ହୋଇଛି। ଗ୍ରାମର ଧୀରେନ ନାଏକ, ସଙ୍କରି ନାଏକ, ଭାବଗ୍ରାହୀ ନାଏକ, ଯୁଧିଷ୍ଠିର ନାଏକଙ୍କ ସମେତ ଅନେକଙ୍କ ଘରର ଛପର ଉଡିଯାଇଛି। ସେହିପରି ବିଲା-ଚଢେଇଭୋଳ ରାସ୍ତା ଉପରେ ଗଛ ପଡ଼ିଥିବାରୁ ଉକ୍ତ ରାସ୍ତାରେ ଗମନା ଗମନ ସହ ଗାଡି ମୋଟର ଚଳାଚଳ ବ୍ୟାହତ ହୋଇଛି। ଏଥି ସହ ଅଞ୍ଚଳରେ କେତେକ ବିଦ୍ୟୁତ ଖୁଣ୍ଟ ଉପୁଡି ପଡିଥିବାରୁ ବିଦ୍ୟୁତ ସେବା ବ୍ୟାହତ ହୋଇଛି। ଘଟଣାସ୍ଥଳରେ ସାହାରପଡା ଅଗ୍ନିଶମ ବାହିନୀ ପହଁଞ୍ଚି ଘର ଉପରେ ପଡିଥିବା ଗଛକୁ କାଟି ହଟାଇବା କାର୍ଯ୍ୟ ଜାରି ରଖିଛି।
Comments are closed.