ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟ ନୂତନ ସମ୍ମିଳନୀ କକ୍ଷ ପରିସରରେ ସ୍ମାତୋକତ୍ତର ରାଜନୀତି ବିଜ୍ଞାନ ବିଭାଗ ଓ ଲୋକ ପ୍ରଶାସନ ବିଭାଗର ମିଳିତ ଆନୁକୁଲ୍ୟରେ ଦୁଇ ଦିନିଆ ଜାତୀୟ ପାଠଚକ୍ର ଅନୁଷ୍ଠିତ ହୋଇଥିଲା। ଭାରତୀୟ ଆଦିବାସୀ ସମୂହ :ଅଧିକାର, ପରିଚୟ ଓ ସମସ୍ୟା (ଟ୍ରାଇବଲସ ଇନ ଇଣ୍ଡିଆ : ରାଇଟ୍ସ, ଆଇଡେଣ୍ଟି ଏଣ୍ଡ ପ୍ରୋବ୍ଲେମସ) ଶୀର୍ଷକ ଉପରେ ଜାତୀୟ ସମ୍ମିଳନୀ ଅନୁଷ୍ଠିତ ହୋଇଥିଲା। ବିଶ୍ଵବିଦ୍ୟାଳୟ କୁଳପତି ପ୍ରଫେସର ଗୀତାଞ୍ଜଳି ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୂର୍ବତନ କୁଳପତି ପ୍ରଫେସର ଜୟନ୍ତ କୁମାର ମହାପାତ୍ର ଯୋଗ ଦେଇ ଆଦିବାସୀ ମାନଙ୍କର ସମାଜର ମୁଖ୍ୟ ସ୍ରୋତରେ ସାମିଲ ହେବା ପାଇଁ କହିବା ସହ ସେମାନଙ୍କ ବିକାଶ ପାଇଁ ଶିକ୍ଷାର ଏବଂ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମରେ ଯୋଗଦାନ ଦ୍ଵାରା ସାମଗ୍ରିକ ବିକାଶ ହୋଇ ପାରିବ ବୋଲି ମତବ୍ୟକ୍ତ କରିଥିଲେ। ମୁଖ୍ୟବକ୍ତା ଭାବେ ଟିଆଇଏସଏସର ଗୌହାଟି ଆସାମ ପ୍ରଫେସର ଜଗନ୍ନାଥ ଆମ୍ବାଗୁଡିୟା ଯୋଗ ଦେଇ ଆଦିବାସୀ ମାନଙ୍କର ଅସ୍ତିତ୍ବ, ପରିଚୟ ଏବଂ ସମସ୍ୟା ଉପରେ ନିଜ ମତ ରଖିଥିଲେ। ସମ୍ମାନିତ ଅତିଥି ଭାବେ ପ୍ରଫେସର ସଂଜୀବ କୁମାର ଶର୍ମା, ଭାରପ୍ରାପ୍ତ ପିଜି କାଉନସିଲ ଅଧକ୍ଷ ପ୍ରଫେସର ସୁକାନ୍ତ କୁମାର ତ୍ରିପାଠୀ ମଂଚାସୀନ ଥିଲେ।
Comments are closed.