ଭୁବନେଶ୍ୱର: ରାଜ୍ୟରେ ଛାଡ଼ିଛି ବର୍ଷା ହେଲେ ବଢ଼ୁଛି ବନ୍ୟା ଦୁର୍ଦ୍ଦଶା । ବନ୍ୟାପାଣି ଘେରରେ ରାଜ୍ୟର ଅନେକ ଜିଲ୍ଲାରେ ଲୋକେ ଏବେି ଫସିରହିଛନ୍ତି । ଆଉ ଏତିକିବେଳେ ପୁଣି ଫୁଲିଲାଣି ସୁବର୍ଣ୍ଣରେଖା ନଦୀ । ରାଜଘାଟ ଓ ଜାମଶୋଳାରେ ବିପଦ ସଂକେତ ଉପରେ ସୁବର୍ଣ୍ଣରେଖାର ଜଳ ପ୍ରବାହିତ ହେଉଛି । ଆଜି ସକାଳ ୬ଟା ସୁଦ୍ଧା ରାଜଘାଟରେ ୧୧.୯୦ ମିଟର ବନ୍ୟାଜଳ ପ୍ରବାହିତ ହେଉଥିବା ବେଳେ ଜାମଶୋଳାରେ ୫୦.୭୭ ଫୁଟ ପାଣି ପ୍ରବାହିତ ହେଉଥିବା କୁହାଯାଇଛି । ଖାଲି ସେତିକି ନୁହେଁ ବୈତରଣୀର ଜଳସ୍ତର ମଧ୍ୟ ବଢ଼ିବାକୁ ଲାଗିଲାଣି । ଆଖୁଆପଦା ନିକଟରେ ଧୀରେଧୀରେ ଜଳସ୍ତର ବୃଦ୍ଧି ପାଉଛି । ଆଖୁଆପଦାରେ ଜଳସ୍ତର ବର୍ତ୍ତମାନ ବିପଦ ସଂକେତ ଟପି ୧୮.୨୬ଫୁଟ ପ୍ରବାହିତ ହେଉଛି । ଆଖୁଆପଦାରେ ବିପଦ ସଂକେତ ୧୭.୮୩ ଫୁଟ ରହିଛି । ସେପଟେ ମଥାନୀରେ ବି ଡରାଇଲାଣି ବନ୍ୟାପାଣି । ମଥାନିରେ ବିପଦ ସଂକେତ ୫.୫୦ ଫୁଟ ରହିଥିବା ବେଳେ ଜଳସ୍ତର ୬.୫୬ ଫୁଟ ରହିଛି ।
Comments are closed.