ଭୁବନେଶ୍ୱର: ରାଜ୍ୟରେ କମୁଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ଆଉ ୫ହଜାର ୫୭ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂଗରୋଧରୁ ୨, ୯୩୨ ସଂକ୍ରମିତ ଚିହ୍ନଟ ହୋଇଥିବା ବେଳେ, ସ୍ଥାନୀୟ ସଂକ୍ରମିତ ୨, ୧୨୫ ଜଣ ରହିଛନ୍ତି । ଆଜିର ଆକ୍ରାନ୍ତଙ୍କ ମଧ୍ୟରେ ଜନ୍ମରୁ ୧୮ ବର୍ଷ ମଧ୍ୟରେ ରହିଛିନ୍ତି ୬୬୭ ପଜିଟିଭ୍ । ଖୋର୍ଦ୍ଧାରୁ ସର୍ବାଧିକ ୧, ୧୧୧ ଆକ୍ରାନ୍ତ ଚିହ୍ନଟ ହୋଇଛନ୍ତି । ଅନୁଗୁଳରୁ ୧୧୦, ବାଲେଶ୍ୱର ୨୦୨, ବରଗଡ ୮୫, ଭଦ୍ରକ ୯୧, ବଲାଙ୍ଗିର ୧୩୩, ବୌଦ୍ଧ ୪୪, କଟକ ୪୯୫, ଦେବଗଡ ୫୧, ଢେଙ୍କାନାଳ ୬୯, ଗଜପତିରୁ ୬୮ ଚିହ୍ନଟ ହୋଇଛନ୍ତି । ଗଞ୍ଜାମରେ ୬୦, ଜଗତସିଂହପୁର ୧୨୫, ଯାଜପୁର ୧୨୮, ଝାରସୁଗୁଡା ୫୦, କଳାହାଣ୍ଡି ୧୪୦, କନ୍ଧମାଳ ୮୪, କେନ୍ଦ୍ରାପଡା ୩୪, କେନ୍ଦୁଝରରେ ୪୯ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଏଥିସହିତ କୋରାପୁଟ ୭୬, ମାଲକାନଗିରି ୫୮, ମୟୁରଭଞ୍ଜ ୧୩୫, ନବରଙ୍ଗପୁର ୧୩୬, ନୟାଗଡ ୨୧୭, ନୂଆପଡା ୧୯୦, ପୁରୀ ୯୪, ରାୟଗଡା ୮୫, ସମ୍ବଲପୁର ୧୭୯, ସୋନପୁର ୧୦୪, ସୁନ୍ଦରଗଡ ୪୨୯ ଷ୍ଟେଟପୁଲରୁ ୨୨୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଗତ ୨୪ ଘଣ୍ଟାରେ କରୋନାରୁ ସୁସ୍ଥ ହୋଇଛନ୍ତି ଆଉ ୧୧,୧୫୭ ଆକ୍ରାନ୍ତ । ଆଜିର ସୁସ୍ଥତାକୁ ମିଶାଇ ରାଜ୍ୟରେ ଏଯାଏ ମୋଟ୍ ସୁସ୍ଥ ହେଲେଣି ୧୧ଲକ୍ଷ ୬୩ହଜାର ୩୯୬ ଜଣ ଆକ୍ରାନ୍ତ । ରାଜ୍ୟରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧୨ଲକ୍ଷ ୩୬ହଜାର ୨୨୬କୁ ବୃଦ୍ଧି ପାଇଥିବା ବେଳେ, ସକ୍ରିୟ ଆକ୍ରାନ୍ତ ରହିଛନ୍ତି ୬୪ହଜାର ୨୧୭ ଜଣ ।ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି ।
