ଡେସ୍କ: ମେଦବହୁଳତାରେ ଶିକାର ହୋଇଥିବା ବ୍ୟକ୍ତିଙ୍କୁ ଚିକିତ୍ସା ପାଇଁ ଆଉ ଓଡ଼ିଶା ବାହାରକୁ ଯିବା ଯିବାର ଆବଶ୍ୟକତା ପଡ଼ିବ ନାହିଁ। ଭୁବନେଶ୍ବର ସହିଦ ନଗରସ୍ଥିତ ସାଇ ଇନ୍ଷ୍ଟିଚ୍ୟୁଟ୍ ଅଫ୍ ଗ୍ୟାଷ୍ଟ୍ରୋଲୋଜି ଆଣ୍ଡ୍ ଲିଭର ସାଇନ୍ସରେ ଖୁବ୍ଶୀଘ୍ର ଉପଲବ୍ଧ ହେବାକୁ ଯାଉଛି ଆଧୁନିକ ବାରିଏଟ୍ରିକ୍ ଏଣ୍ଡୋସ୍କୋପି ସେବା। ଓଡ଼ିଶାରେ ଏହା ପ୍ରଥମ ଥର ପାଇଁ ଆରମ୍ଭ ହେବ।
ଚନ୍ଦ୍ରଭାନୁ ଶତପଥୀଙ୍କ ଆଦର୍ଶରେ ଅନୁପ୍ରାଣିତ ହୋଇ ଶୁଭାରମ୍ଭ ହୋଇଥିବା ସାଇ ଇନ୍ଷ୍ଟିଚ୍ୟୁଟ୍ ଅଫ୍ ଗ୍ୟାଷ୍ଟ୍ରୋଲୋଜି ଆଣ୍ଡ୍ ଲିଭର ସାଇନ୍ସରେ ପେଟ ଓ ଲିଭର ରୋଗର ନିରୂପଣ ଏବଂ ଚିକିତ୍ସା ପାଇଁ ସମସ୍ତ ପ୍ରକାର ଅତ୍ୟାଧୁନିକ ଉପକରଣ ଓ ସେବା ଉପଲବ୍ଧ। ଉନ୍ନତମାନର ରୋଗୀସେବା ତଥା ବିଭିନ୍ନ ଜଟିଳ ପେଟ ରୋଗ ନିରୂପଣ କ୍ଷେତ୍ରରେ ଏହା ସମଗ୍ର ପୂର୍ବ ଭାରତରେ ନିଜର ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛି। ବର୍ତ୍ତମାନ ଏଠାରେ ଏହି ଅତ୍ୟାଧୁନିକ ବାରିଏଟ୍ରିକ୍ ଏଣ୍ଡୋସ୍କୋପି ସେବା ମିଳିବ।
ଗ୍ୟାଷ୍ଟ୍ରୋଏଣ୍ଟୋଲୋଜିଷ୍ଟ ଡା. ସୋନମୁନ୍ ମହାପାତ୍ରଙ୍କ ମେଡିକାଲ ପାଠପଢା ଓ ଗବେଷଣା ଆମେରିକାରେ ହୋଇଛି। ବିଶ୍ବ ପ୍ରସିଦ୍ଧ ମାୟୋ କ୍ଲିନିକରେ ସେ ଦୁଇବର୍ଷ ଧରି ଅତ୍ୟାଧୁନିକ ବାରିଏଟ୍ରିକ୍ ଏଣ୍ଡୋସ୍କୋପି ଉପରେ ପୂର୍ଣ୍ଣ ପ୍ରଶିକ୍ଷଣ ନେଇଛନ୍ତି। ସାଇ ଇନ୍ଷ୍ଟିଚ୍ୟୁଟ୍ ଅଫ୍ ଗ୍ୟାଷ୍ଟ୍ରୋଲୋଜି ଆଣ୍ଡ୍ ଲିଭର ସାଇନ୍ସର ନିର୍ଦେଶକ ପ୍ରଖ୍ୟାତ ପେଟ ଓ ଲିଭର ରୋଗ ବିଶେଷଜ୍ଞ ଡା. ଆଶୁତୋଷ ମହାପାତ୍ର କହିଛନ୍ତି, ମେଦବହୁଳ ରୋଗୀ ଏହି ସେବା ପାଇବା ପାଇଁ ନିଜର ନାମ ପଞ୍ଜୀକରଣ କରିବାକୁ ପଡ଼ିବ।
