ମୁମ୍ବଇ : ବଲିଉଡ଼ ଭାଇଜାନ୍ ସଲମାନ ଖାନଙ୍କ ପ୍ରଯୋଜନାରେ ନିର୍ମିତ ଚଳଚ୍ଚିତ୍ର ‘ନୋଟବୁକ୍’ର ପୋଷ୍ଟର ରିଲିଜ୍ ହୋଇଛି। ଏହି ଚଳଚ୍ଚିତ୍ର ମାଧ୍ୟମରେ ସଲମାନ ଦୁଇ ନବାଗତ କଳାକାର ପ୍ରନୂତନ୍ ବହଲ ଓ ଜାହୀର ଇକବାଲ୍ଙ୍କୁ ବଲିଉଡ଼ରେ ଏଣ୍ଟ୍ରି କରାଇଛନ୍ତି। ଏହାର ନିର୍ଦ୍ଦେଶନା ଭାର ନିତିନ କକ୍କର୍ ବହନ କରିଛନ୍ତି। ଚଳଚ୍ଚିତ୍ରର ପୋଷ୍ଟର ରିଲିଜ୍ ହେବା ସହ ୨୨ ଫେବୃଆରୀରେ ଏହାର ଟ୍ରେଲର ରିଲିଜ୍ ହେବ ବୋଲି ମଧ୍ୟ ଘୋଷଣା କରାଯାଇଛି। ପୋଷ୍ଟରରେ ଏକ ଡାଏରୀ ଦେଖିବାକୁ ମିଳିଛି ଯାହାର ଗୋଟିଏ ଫର୍ଦ୍ଦରେ ଜାହୀର ଅଛନ୍ତି ଓ ଅନ୍ୟ ଫର୍ଦ୍ଦରେ ପ୍ରନୂତନ୍। ତେବେ ପ୍ରଥମ ଚଳଚ୍ଚିତ୍ରକୁ ନେଇ ଉଭୟ କଳାକାର ଖୁବ୍ ଉତ୍ସାହିତ ଥିବା ମଧ୍ୟ କହିଛନ୍ତି।
ଉଲ୍ଲେଖଯୋଗ୍ୟ, ପ୍ରନୂତନ ବହଲ ଅଭିନେତା ମୋହନିଶ ବହଲଙ୍କ ଝିଅ। ପୂର୍ବରୁ ସଲମାନ ଅନେକ ନୂଆ କଳାକାରଙ୍କୁ ବଲିଉଡ଼ରେ ସୁଯୋଗ ଦେଇଥିବା ବେଳେ ଏବେ ପୁଣି ତାଙ୍କ ଦ୍ୱାରା ସୁଯୋଗ ପାଇଥିବା ଏହି ଦୁଇ କଳାକାର ବଲିଉଡ଼ରେ ସଫଳତା ହାସଲ କରିପାରୁଛନ୍ତି କି ନାହିଁ ତାହା ‘ନୋଟବୁକ୍’ ମୁକ୍ତିଲାଭ ହେବା ପରେ ହିଁ ଜଣାପଡ଼ିବ।