ନୀଳଗିରି: ବାଲେଶ୍ୱର ଜିଲା; ନୀଳଗିରି ବ୍ଲକ ତେଲିପାଳଠାରେ ଥିବା ଏକ ଟାଙ୍କିରେ ପେଟ୍ରୋଲ ଭରୁଥିବା ସମୟରେ ୫ଫୁଟିଆ ରଣାସାପ କାରରୁ ତଳକୁ ଖସି ପଡ଼ିଥିଲା । ଏହା ଦେଖି ସମସ୍ତେ ଭୟଭୀତ ହୋଇ ଯାଇଥିଲେ । କାର ମାଲିକ ଓ ସମ୍ପର୍କୀୟ ଅଳ୍ପକେ ବର୍ତ୍ତି ଯାଇଛନ୍ତି ।
ମୟୂରଭଞ୍ଜ ଜିଲା କପ୍ତିପଦା ଅଞ୍ଚଳରୁ ନୀଳଗିରି ଅଭିମୁଖେ ଯାଉଥିବା ଓଡି ୧୧ଏକ୍ସ ୪୧୩୬ନମ୍ବର ବିଶିଷ୍ଟ ହୁଣ୍ଡାଇ ଆଇ-ଟ୍ୱେଣ୍ଟି କାରଟି ତେଲିପାଳ ପେଟ୍ରୋଲ ଟାଙ୍କିରେ ଅଟକି ପେଟ୍ରୋଲ ପକାଇବାକୁ କର୍ମଚାରୀଙ୍କୁ କହିଥିଲେ । କର୍ମଚାରୀ ଜଣକ ପେଟ୍ରୋଲ ଭରୁଥିବା ସମୟରେ ରଣାସାପଟି କାରରୁ ଖସି ଫଁ ଫଁ ଶବ୍ଦ କରିଥିଲା । ଏହା ଦେଖି କର୍ମଚାରୀ ଭୟଭୀତ ହୋଇଥିବା ବେଳେ ଗାଡ଼ିରେ ବସିଥିବା ଲୋକେ ଓହ୍ଲାଇ ଦୌଡ଼ିଥିଲେ ।
ଏହି ବିଷଧର ସାପଟି ଗାଡ଼ିର ବନେଟ ଭିତରେ ଗୋଡ଼ାଇ ହୋଇ ରହିଥିଲା ଏବଂ ପେଟ୍ରୋଲ ଢ଼ାଳୁଥିବା ସମୟରେ କାରର ତଳପଟୁ ଖସି ପଡ଼ିଥିବା ଦେଖଣାହାରୀ କହିଛନ୍ତି । ଟାଙ୍କି ମାଲିକ ତପନ ରାଉତଙ୍କ ନିର୍ଦେଶକ୍ରମେ ରଣାସାପକୁ କୌଶଳକ୍ରମେ ଧରାଯାଇ ନିକଟସ୍ଥ ଜଙ୍ଗଲରେ ଛାଡ଼ି ଦିଆଯାଇଛି ।
Comments are closed.