ନୀଳଗିରି: ମିତ୍ରପୁରରେ ବୁଧବାର ସନ୍ଧ୍ୟାରେ ହାଟ ବସୁଥିବା ଯୋଗୁ ସେଠାକୁ ସଉଦା କିଣିବାକୁ ଚଣ୍ଡୀପୁର ଗାଁର ସୁଦର୍ଶନ ଦାସଙ୍କ ପୁଅ ସିପା ନିଜ ବାଇକ ନେଇ ଯାଇଥିଲେ। ରାତି ପ୍ରାୟ ୧୦ଟା ବେଳେ ହ୍ୟାଣ୍ଡେଲ ଚାବି ଭାଙ୍ଗି ଦୁଇ ଚୋର ତାଙ୍କ ବାଇକ ନେଇ ଚମ୍ପଟ ମାରିଥିଲେ। ସଙ୍ଗେ ସଙ୍ଗେ ହୋହଲ୍ଲା ହେବାରୁ ଏହି ଦୁଇ ଚୋରଙ୍କୁ ସ୍ଥାନୀୟ ଲୋକେ ମିତ୍ରପୁର ବଜାରରୁ କାବୁ କରି ନିସ୍ତୁକ ମାଡ ମାରିଛନ୍ତି। ଖବରପାଇ ରାତି ୧୧ଟାରେ ନୀଳଗିରି ପୁଲିସ ସେମାନଙ୍କୁ ଉଦ୍ଧାର କରି ଥାନାରେ ଅଟକ ରଖିଛି। ସେମାନଙ୍କ ଘର ବାଲେଶ୍ବର ନୂଆସାହି ବୋଲି କହିଛନ୍ତି। ସୂଚନା ଯେ, କିଛିଦିନ ହେବ ମିତ୍ରପୁର, କାଠପାଳ ପ୍ରଭୃତି ଅଞ୍ଚଳରେ କ୍ରମାଗତ ଭାବେ ବାଇକ ଚୋରି ବୃଦ୍ଧି ପାଇଥିବା ଯୋଗୁ ଅଞ୍ଚଳବାସୀ ସଜାଗ ହୋଇ ରହିଥିଲେ।
Comments are closed.