ନବରଙ୍ଗପୁର : ବିଜୁ ମହିଳା ଜନତାଦଳର କାର୍ଯ୍ୟକାରୀ ସଭାପତି ଭାବେ ବରିଷ୍ଠ ମହିଳା ନେତ୍ରୀ ନିବେଦିତା ମହାନ୍ତି ପୁନର୍ବାର ନିଯୁକ୍ତି ପାଇଛନ୍ତି। ଏ ସଂପର୍କରେ ବିଜୁଜନତାଦଳ ପକ୍ଷରୁ ଘୋଷଣା କରାଯାଇଛିା ବିଜୁଜନତାଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ ପରେ ଏହି ଘୋଷଣା କରାଯାଇଥିବା ଜଣାପଡିଛି । ବିଜେଡିର ସାଙ୍ଗଠାନିକ ସମ୍ପାଦକ ପ୍ରଣବ ପ୍ରକାଶ ଦାସ ପ୍ରେସ ବିଞପ୍ତିରେ ଜଣାଇଛନ୍ତି । ନିବେଦିତା ପୂର୍ବରୁ ନବରଙ୍ଗପୁରର ଜିଲା ପରିଷଦ ଉପାଧ୍ୟକ୍ଷା ଭାବେ ଦୁଇଥର ନିର୍ବାଚିତ ହୋଇଥିଲେ। ସେ ମଧ୍ୟ ପୂର୍ବରୁ ବିଜୁ ମହିଳା ଜନତାଦଳର କାର୍ଯ୍ୟକାରୀ ସଭାପତି ଭାବେ ଦାୟୀତ୍ୱ ତୁଲାଇଥିଲେ। ସେ ଜଣେ ଦକ୍ଷ ମହିଳା ନେତ୍ରୀ ଭାବେ ପରିଚିତ ଥିବାବେଳେ ଦଳର ସଂଗଠନକୁ ଅଧିକ ମଜଭୂତ କରିବାରେ ସକ୍ଷମ ଥିବାରୁ ମୁଖ୍ୟମନ୍ତ୍ରୀ ତାଙ୍କୁ ପୁନଃର୍ବାର ଦାୟୀତ୍ୱ ଦେଇଛନ୍ତି । ଆଗାମୀ ଦିନର ଜିଲାର ତଥା ରାଜ୍ୟର ମହିଳାମାନଙ୍କୁ ଅଧିକ ସଂଗଠିତ କରିବା ସହ ଦଳକୁ ଅଧିକ ଶକ୍ତିଶାଳୀ କରିବେ ବୋଲି ସେ କହିବା ସହିତ ତାଙ୍କର ଉପରେ ବିଶ୍ୱାସ ରଖି ଦାୟୀତ୍ୱ ଦେଇଥିବାରୁ ସେ ଦଳର ସଭାପତି ନବୀନ ପଟ୍ଟନାୟକ ଓ ବିଜେଡି ସାଙ୍ଗଠାନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ କୃତଜ୍ଞତା ଜଣାଇଛନ୍ତି।
Comments are closed.