ଚାନ୍ଦିପୁଟ: ଭତ୍ତା ପାଇବାରୁ ବଞ୍ଚିତ ୯୦ ବର୍ଷର ଜଣେ ଅସହାୟ ବୃଦ୍ଧା। ଭତ୍ତା ପାଇଁ ଦୌଡ଼ି ଦୌଡ଼ି ନୟାନ୍ତ ହେଲେଣି, ହେଲେ ଆଜି ଯାଏଁ କେହି ଗୁହାରୀ ଶୁଣୁ ନଥିବା ସେ ପ୍ରକାଶ କରିଛନ୍ତି। ଆଗରୁ ପଞ୍ଚାୟତରେ ଭତ୍ତା ଟଙ୍କା ହାତରେ ମିଳୁଥିଲା। ହେଲେ ୨ ବର୍ଷରୁ ଅଧିକ ସମୟ ବିତିଗଲାଣି ହେଲାଣି କୌଣସି କାରଣରୁ ଭତ୍ତା କଟିଯାଇଛି। ସେ ହେଉଛନ୍ତି ଗଜପତି ଜିଲ୍ଲା ମୋହନା ବ୍ଲକ୍ ଅନ୍ତର୍ଗତ ବଡ଼ଖଣି ପଞ୍ଚାୟତ ୮ ନଂ ୱାର୍ଡ ସାନଖଣି ଗ୍ରାମର କାଟିଆଲୁ ମଲ୍ଲିକ। ବୟସ ୯୦ ପାରି ହେଲାଣି। ଆଗରୁ ୩ ପୁଅ ଥିଲେ। ସେମାନେ ଟିକେ ଖାଇବାକୁ ଦେଉଥିଲେ। ହେଲେ ୮ ବର୍ଷ ହେଲାଣି ୨ ପୁଅ ଆର ପାରିକି ଗଲେଣି। ଏବେ ସାନ ପୁଅ ବୋହୂ ପାଖରେ ରହୁଛନ୍ତି। ସାନ ପୁଅ ପୂର୍ଣ୍ଣ ମଲ୍ଲିକ ଦାଦନ ଖଟିବାକୁ ବାହାର ରାଜ୍ୟକୁ ଯାଇଥିବା ବେଳେ ଏବେ ଝାଟିମାଟି ଘରେ ରହୁଥିବା ଗରିବ ପରିବାରକୁ ବାହାର ରାଜ୍ୟରୁ ରୋଜଗାର କରି ଆଣି ଖାଇବାକୁ ମୁଠେ ଦେଉଛି ସାନ ପୁଅ। କେତେବେଳେ ପୁଅ ବୋହୂ ପଚାରୁଛନ୍ତି ତ ଆଉ କେତେବେଳେ ପଚାରୁ ନାହାଁନ୍ତି। ନିଜେ କାମ କରିବାକୁ ଆଉ ବଳ ବୟସ ନାହିଁ। ଅଣ୍ଟା ନଇଁ ପଡ଼ିଲାଣିl ଭତ୍ତା ଟିକେ ମିଳିଲେ ବାକି ଜୀବନ କଟିଯିବ ବୋଲି ଆଶା ରଖିଛନ୍ତି କାଟିଆଲୁ। ୱାର୍ଡ ମେମ୍ବର ଠାରୁ ସରପଞ୍ଚ ଓ ପିଇଓ କାହାକୁ ଜଣାଇଲେ ମଧ୍ୟ କେହି ଶୁଣୁ ନଥୁଵା କହୁଛନ୍ତି।
ଏ ନେଇ ଆମେ ସରପଞ୍ଚ କେଶବ ଚନ୍ଦ୍ର ମଲ୍ଲିକଙ୍କୁ ପଚାରିବାରେ କାଟିଆଲୁ ମଲ୍ଲିକଙ୍କର ଆଧାର କାର୍ଡ ନାହିଁ। ବୟସ ଅଧିକ ହେବାରୁ ଫିଙ୍ଗର୍ ପ୍ରିଣ୍ଟ ନେଉ ନାହିଁ। ତେଣୁ ଭତ୍ତା କଟି ଯାଇଛି। କିଭଳି ତାଙ୍କୁ ଭତ୍ତା ମିଳି ପାରିବ ସେ ନେଇ ଅଧିକାରୀଙ୍କ ସହ ଆଲୋଚନା କରି ପଦକ୍ଷେପ ଗ୍ରହଣ କରିବେ ବୋଲି କହିଛନ୍ତି। ଏଭଳି ସ୍ଥିତିରେ ବ୍ଳକ ପ୍ରଶାସନ ଦୃଷ୍ଟି ଦେଇ ଅସହାୟ ବୃଦ୍ଧାକୁ ଭତ୍ତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।
Comments are closed.