ଫୁଲବାଣୀ: ଜିଲା ରେଳପଥ କ୍ରିୟାନୁଷ୍ଠାନ କମିଟି ପକ୍ଷରୁ ଫୁଲବାଣୀ ସହରକୁ ରେଳ ସଂଯୋଗ ପାଇଁ ମାଦିକୁନ୍ଦା ଛକରୁ ଏକ ଶୋଭାଯାତ୍ରା ବାହାରି ଜିଲାପାଳଙ୍କ କାର୍ୟ୍ୟାଳୟ ଠାରେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରାଯାଇଛି। ଗୋପାଳପୁର ସମ୍ବଲପୁର ଭାୟା ଫୁଲବାଣୀ ରେଳପଥ ଫୁଲବାଣୀକୁ ସଂଯୋଗ ନକରି ଚକାପାଦ ଠାରୁ ଖୋର୍ଦ୍ଧା ବଲାଙ୍ଗୀର ରେଳପଥକୁ ସଂଯୋଗ କରିବାକୁ ଡିପିଆର ପରିବର୍ତ୍ତନ ହୋଇଥିବା ଜଣାପଡିଛି। ୧୯୭୮ମସିହା କନ୍ଧମାଳବାସୀଙ୍କ ଦାବୀ ଅନୁସାରେ ଫୁଲବାଣୀରେ ଏକ ରେଳଷ୍ଟେସନ ହେବାର ଥିବା ବେଳେ ବର୍ତ୍ତମାନର ରେଳ ୱେବସାଇଟରେ ଫୁଲବାଣୀ ସହର କଟିଯାଇଛି। କେବଳ କନ୍ଧମାଳ ଜିଲାର ଚକାପାଦ ବ୍ଲକରେ ଗୋଟିଏ ରେଳ ଷ୍ଟେସନ କରି କନ୍ଧମାଳବାସୀଙ୍କ ପ୍ରତି ସରକାର ନ୍ୟାୟ କରିନଥିବା କୁହାଯାଇଛି। କୋରାପୁଟ ଭଳି ଜିଲାରେ କନ୍ଧମାଳ ଠାରେ ଅତ୍ୟୁଚ ପାହାଡ ଘାଟି ଥିବା ବେଳେ ସେଠି ରେଳପଥ ନିର୍ମାଣ ହୋଇଥିବା ବେଳେ ଘାଟିପାହାଡ ଆଳ ଦେଖାଇ ଫୁଲବାଣୀ ସହରକୁ ରେଳପଥ ସଂଯୋଗ ଦିଆଯାଇ ନାହିଁ। ତେଣୁ ଜିଲା ରେଳପଥ କ୍ରିୟାନୁଷ୍ଠାନ କମିଟି ପକ୍ଷରୁ ଗତ ତିନି ମାସ ଧରି ସଭାସମିତି ମାଧ୍ୟମରେ ସରକାରଙ୍କୁ ଅସନ୍ତୋଷ ଜାହିର କରିଥିବା ବେଳେ ନଭେମ୍ବର ୮ତାରିଖରେ ରାଜ ରାସ୍ତାକୁ ଓହ୍ଲାଇ ପ୍ରତିବାଦ ଶୋଭାଯାତ୍ରା କରିଛନ୍ତି। ଏହା ସହିତ ଜିଲା ଦେଇ ଯିବାକୁ ଥିବା ଲାଞ୍ଜିଗଡ-ତାଳଚେର ଭାୟା ବାଲିଗୁଡା,ଫୁଲବାଣୀ ରେଳପଥ ନିର୍ମାଣ ପାଇଁ ରେଳ ବିଭାଗ ଅନୁମୋଦନ କରି କାର୍ୟ୍ୟ ଆରମ୍ଭ କରିବାକୁ ମଧ୍ୟ ସ୍ମାରକପତ୍ରରେ ଉଲ୍ଲେଖ କରାଯାଇଛି। ଏହି ପ୍ରତିବାଦ ଶୋଭାଯାତ୍ରା ଅବସରରେ କମିଟିର ସଭାପତି କମଳାକାନ୍ତ ପାଣ୍ଡେଙ୍କ ସହ ଡ ଅରୁପ ଜେନା,ଆବାହକ ଅଶୋକ ପରିଡା, ପ୍ରଣବ ମଣ୍ଡଳ, ନବୀନ କିଶୋର ପଣ୍ଡା ପ୍ରମୁଖ ବହୁ ପୁରୁଷ ମହିଳା ପ୍ରତିବାଦ ଶୋଭାଯାତ୍ରାରେ ଯୋଗ ଦେଇଥିଲେ।
Popular Categories
Previous article
Next article