ରେଙ୍ଗାଲି: ରେଙ୍ଗାଲି ବ୍ଲକ ରେଙ୍ଗଲୋଇ ଗ୍ରାମର ଗାଁ ମଝି ଦାଣ୍ଡରେ ଅନବରତ ଭାବରେ ଚିରସ୍ରୋତା ନାଳ ଭଲି ପାଣି ପ୍ରବାହିତ ହେଉଥିବାରୁ ଲୋକେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି। ବର୍ଷାୠତୁରେ ଏଭଳି ସମସ୍ୟା ଲାଗି ରହୁଥିବାରୁ ମଶାମାଛି ବଂଶ ବିସ୍ତାରରେ ଏହି ପରିବେଶ ଅନୁକୂଳ ହେଉଛି। ଏଥିଯୋଗୁଁ ନାନା ପ୍ରକାରର ରୋଗ ସଂକ୍ରମଣର ଆଶଙ୍କା ଦେଖାଦେଇଛି। ଗାଁ ଉପରମୁଣ୍ଡରେ ଥିବା ଏକ ଗାଡିଆରେ ପ୍ରଚୁର ପାଣି ଜମା ହୋଇ ରହୁଛି। ଡ୍ରେନେଜ୍ ବ୍ୟବସ୍ଥା ନଥିବାରୁ ଉକ୍ତ ଗାଡିଆର ପାଣି ଝରିଯାଇ ଅନବରତ ଗାଁ ଦାଣ୍ଡରେ ପ୍ରବାହିତ ହେଉଛି ବୋଲି ଗ୍ରାମବାସୀ ଅଭିଯୋଗ କରୁଛନ୍ତି। ଏହାବ୍ୟତୀତ ଗାଁ ପାର୍ଶ୍ବ ଦେଇ ପୂର୍ତ୍ତ ବିଭାଗ ରାସ୍ତା କଡରେ ଥିବା ଡ୍ରେନରେ ଆବର୍ଜନା ପକାଇ ଦିଆଯାଇଥିବାରୁ ବର୍ଷା ପାଣି ନିଷ୍କାସନ ବ୍ୟାଘାତ ସୃଷ୍ଟି ହେଉଛି।ଏହି ସମସ୍ୟା ପ୍ରତି ବିଭାଗୀୟ କର୍ତ୍ତୃପକ୍ଷ ବିହିତ ପଦକ୍ଷେପ ଗ୍ରହଣ କରି ଡ୍ରେନେଜ ବ୍ୟବସ୍ଥା କରିବାକୁ ଦାବୀ ହେଉଛି।
Popular Categories
Previous article
Next article