ହରଭଙ୍ଗା: ବୟସ ୬୨ ପୁରିଲାଣି। ପରିଣତ ବୟସରେ ଚାଲିବୁଲି ପାରୁନଥିବା ଜଣେ ବୃଦ୍ଧା ଅସହାୟ ଅବସ୍ଥାରେ ଅନ୍ୟର ପିଣ୍ଡାରେ ଦିନ କାଟୁଛନ୍ତି। ଏଭଳି ଏକ ଦୁଃଖଦ ଘଟଣା ଦେଖିବାକୁ ମିଳିଛି ହରଭଙ୍ଗା ବ୍ଲକ କଂରଜକଟା ଗ୍ରାମର ମଣ୍ଡପ ସାହିରେ।କଂରଜକଟା ଗ୍ରାମର ମଣ୍ଡପସାହିର ବାସିନ୍ଦା ପ୍ରମିଳା ରାଜହଂସ (୬୨) ପୁରୁଣାକଟକରେ ବିବାହ କରିଥିଲେ। ବିବାହ ପରେ ତାଙ୍କ ସ୍ୱାମୀ/ପିଲାଛୁଆଙ୍କୁଧରି ବେଶ ହସଖୁସିରେ ଚଳୁଥିଲେ। କୌଣସି କାରଣରୁ ଦୀର୍ଘ ୨୦ ବର୍ଷ ହେଲା ସେ ସ୍ୱାମୀ/ପିଲାଛୁଆଙ୍କୁ ଛାଡି ନିଜ ଗାଁକୁ ଫେରିଆସି ଭାଇଙ୍କ ଘରେ ରହି ଆସୁଥିଲେ। ବର୍ତମାନ ଭାଇବନ୍ଧୁ କେହି ନପଚାରିବାରୁ ବୃଦ୍ଧା ଜଣଙ୍କ ଏକାକୀ ଅସହାୟ ଅବସ୍ଥାରେ ଚଳୁଛନ୍ତି। ମାଗିଯାଚି ପର ପିଣ୍ଡାରେ ଆଶ୍ରୟ ନେଇଥିବା ଜଣାପଡ଼ିଛି। ଏଭଳି ଜଣେ ଅସହାୟ ବୃଦ୍ଧାଙ୍କୁ ତୁରନ୍ତ ଥଇଥାନ ଦିଗରେ ଜିଲ୍ଲା ପ୍ରଶାସନ ସ୍ୱତନ୍ତ୍ର ଦୃଷ୍ଟିଦେବାକୁ ଦାବୀ ହେଉଛି।
Popular Categories
Previous article
Next article