ସାକ୍ଷୀଗୋପାଳ: ୨୦୧୫ ମସିହାରେ ପୁରୀ ଭୁବନେଶ୍ୱର ଜାତୀୟ ରାଜପଥ ଦୋହରୀକରଣ ହୋଇଥିଲା। ସେବେଠାରୁ ରାଜପଥ ଆଲୋକୀକରଣ ନିମନ୍ତେ ବ୍ୟବସ୍ଥା ହୋଇଥିଲା। ରାଜପଥ ମଝିରେ କେବଳ ବିଦ୍ୟୁତ ଖୁଣ୍ଟ ପୋତା ହୋଇ ରହିଥିଲା। ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ ରଥଯାତ୍ରା ନିମନ୍ତେ ଗତ ତା ୨୦-୬-୨୦୨୩ ରିଖ ପବିତ୍ର ଶ୍ରୀଗୁଣ୍ଡିଚା ଅବସରରେ ସତ୍ୟବାଦୀ ଥାନା ଅନ୍ତର୍ଗତ ପଟ୍ଟନାୟିକିଆ ଛକ, କାଦୁଆ ଛକ ଓ ସାକ୍ଷୀଗୋପାଳ ବଜାର ଓ ସାକ୍ଷୀଗୋପାଳ ବସଷ୍ଟାଣ୍ଡ ଅଞ୍ଚଳରେ ଜାତୀୟ ରାଜପଥ କର୍ତ୍ତୃପକ୍ଷଙ୍କ ତରଫରୁ ବିଦ୍ୟୁତ ସଂଯୋଗ କରାଯାଇ ରାଜପଥ ଆଲୋକୀକରଣ କରଣ କରାଯାଇଥିଲା। ଫଳରେ ସାଧାରଣରେ ଆନନ୍ଦ ପ୍ରକାଶ ପାଇଥିଲା।
ଗତ ତା ୩୦-୬-୨୦୨୩ ରିଖରେ ମହାପ୍ରଭୁଙ୍କର ସୁନାବେଶ ଅନୁଷ୍ଠିତ ହୋଇଥିଲା। ହଠାତ ଜାତୀୟ ରାଜପଥ କର୍ତ୍ତୃପକ୍ଷଙ୍କ ତରଫରୁ ଗତ ତା ୧-୭-୨୦୨୩ ରିଖ ଠାରୁ ଏହି ସ୍ଥାନମାନଙ୍କରେ ଆଲୋକୀକରଣ ବ୍ୟବସ୍ଥା ବନ୍ଦ ହୋଇଯାଇଛି। ମାତ୍ର ୧୧ ଦିନ ପରେ ଏହି ସବୁ ଛକ ସ୍ଥାନ ପୁନର୍ବାର ଅନ୍ଧକାର ରହିଛି। ଜାତୀୟ ରାଜପଥ କର୍ତ୍ତୃପକ୍ଷ ତୁରନ୍ତ ଏହି ଛକ ସ୍ଥାନ ମାନଙ୍କରେ ପୁନର୍ବାର ଆଲୋକୀକରଣ କରିବା ନିମନ୍ତେ ସାଧାରଣରେ ଦାବୀ ହୋଇଛି।
