ସମ୍ବଲପୁର: ସମ୍ବଲପୁର ମଣ୍ଡଳ ଅର୍ନ୍ତଗତ ଝାରତରଭା – ଖମ୍ବେଶ୍ୱରପାଲି ନୂତନ ରେଳ ଧାରଣା କାର୍ଯ୍ୟକୁ ଦକ୍ଷିଣ ପୂର୍ବ ସାର୍କିଲର ରେଳ ନିରାପତ୍ତା ଆୟୁକ୍ତ ଏ.ଏମ. ଚୌଧୁରୀ ନିରୀକ୍ଷଣ କରିଛନ୍ତି। ଖୋର୍ଦ୍ଧା ରୋଡ – ବଲାଙ୍ଗୀର ନୂତନ ଲାଇନ ପ୍ରକଳ୍ପର ଏହି ଷ୍ଟେସନ ଗୁଡିକ ମଧ୍ୟରେ ନୂତନ ଲାଇନ କାର୍ଯ୍ୟ ସହିତ ଓଭିରହେଡ ଉପକରଣ, ରେଳ ଧାରଣା, ପୋଲ ସଙ୍କେତ ଓ ଦୂର ସଞ୍ଚାର, ଉପକରଣ ଆଦି ନିରୀକ୍ଷଣ ନିରାପତ୍ତା ଆୟୁକ୍ତ ଶ୍ରୀ ଚୌଧୁରୀ କରିଛନ୍ତି। ଏହି ଅବସରରେ ଝାରତରଭା ରୁ ଖମ୍ବେଶ୍ୱରପାଲି ମଧ୍ୟରେ ସ୍ପିଡ ଟ୍ରାଏଲ ମଧ୍ୟ କରାଯାଇଥିଲା।
ମଣ୍ଡଳର ଏହି ରେଳ ସେକ୍ସନ ମଧ୍ୟରେ ନୂତନ ଲାଇନ ଓ ବିଦ୍ୟୁତୀକରଣ କାର୍ଯ୍ୟ ପରେ ରେଳ ପରିଚାଳନା ସୁଗମ ହୋଇପାରିବ। ମଣ୍ଡଳ ପ୍ରବନ୍ଧକ ସମ୍ବଲପୁର ବିନୀତ ସିଂ, ପୂର୍ବତଟ ରେଳପଥର ମୁଖ୍ୟ ପ୍ରଶାସନିକ ଅଧିକାରୀ (ନିର୍ମାଣ) ପି. ଶ୍ରୀନିବାସ, ପୂର୍ବତଟ ମୁଖ୍ୟାଳୟ ଓ ସମ୍ବଲପୁର ରେଳ ମଣ୍ଡଳର ବରିଷ୍ଠ ଅଧିକାରୀ ମାନେ ନିରୀକ୍ଷନ ସମୟରେ ଉପସ୍ଥିତ ରହିଥିଲେ।
