ରେଙ୍ଗାଲି: ସମ୍ବଲପୁର ଜିଲ୍ଲା ରେଙ୍ଗାଲି ବ୍ଲକ ତଲାବିରା ୨ ଓ ୩ କୋଇଲା ଖଣି ଖନନ କାର୍ଯ୍ୟ କରୁଥିବା ଏନଏଲସି କମ୍ପାନୀର ଠିକା ସଂସ୍ଥା ଆଦାନୀ କମ୍ପାନୀ (ଟିଓଏମପିଏଲ)ର ଶ୍ରମିକ ମାନେ ଶ୍ରମିକ ଶୋଷଣ ନୀତି ବିରୁଦ୍ଧରେ କାର୍ଯ୍ୟବନ୍ଦ ଆନ୍ଦୋଳନ କରିଥିଲେ। ତେବେ କମ୍ପାନୀର ଲିଖିତ ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହାର ହୋଇଥିବାର ଜଣାପଡିଛି। ୫ ତାରିଖ ସୋମବାର ଦିନ ସକାଳ ୯ଟା ରୁ ଶ୍ରମିକ ମାନେ ଖଣି ଖନନ ଓ ପରିବହନ କାର୍ଯ୍ୟ ବନ୍ଦ କରିବା ସହ କୋଇଲା ପରିବହନ ରାସ୍ତାର ମୁଖ୍ୟ ଫାଟକ ସମ୍ମୁଖରେ କର୍ଯ୍ୟ ବନ୍ଦ ଆନ୍ଦୋଳନ କରିଥିଲେ। କେନ୍ଦ୍ର ସରକାରଙ୍କ ଶ୍ରମ ମନ୍ତ୍ରଣାଳୟର ହାଇ ପାୱାର କମଟି ନିର୍ଦ୍ଧାରଣ କରିଥିବା ହାରରେ ଦରମା ଓ ଅନ୍ୟାନ୍ୟ ଭତ୍ତା ଏବଂ ୨୦୨୧ ଜାନୁଆରୀରୁ ଏରିଅର୍ ସହ ବକେୟା ଦାବୀରେ ବୀର ସୁରେନ୍ଦ୍ର ସାଏ ଶ୍ରମିକ ସଂଘ ଆହ୍ୱାନ କ୍ରମେ ଏହି ଆନ୍ଦୋଳନର ଡାକରା ଦିଆଯାଇଥିଲା।
Popular Categories
Previous article
Next article