ରେଙ୍ଗାଲି: ଭିମସାର୍ ବୁର୍ଲାରୁ ସୁନ୍ଦରଗଡ଼ ଜିଲ୍ଲାର ଲହୁଣିପଡ଼ା ନିକଟସ୍ଥ କଟୁପଡ଼ାକୁ ଏକ ମୃତ ଦେହ ନେଇଯାଉଥିବା ଏକ ବୋଲେରୋ କତରବଗା ଥାନା ଅନ୍ତର୍ଗତ ଘଣ୍ଟମାଲ ଗ୍ରାମ ପାଖ ଏକ ମହୁଲ ଗଛରେ ପିଟି ହୋଇ ଓଲଟି ପଡ଼ିଥିଲା। ଫଳରେ ଚାଳକ ଏବଂ ଗାଡିରେ ଥିବା ୪ଜଣ ଯାତ୍ରୀ ଆହତ ହୋଇଥିଲେ। ଦୁର୍ଘଟଣା ଖବର ପାଇ ଘଣ୍ଟମାଲର ସ୍ୱେଚ୍ଛାସେବୀ ମଧୂସୁଦନ ନାୟକ ଏବଂ ମନୋଜ ପୁରୋହିତ ଘଟଣାସ୍ଥଳରେ ପହଞ୍ଚି ଜେସିବି ମେସିନ୍ ଲଗାଇ ଓଲଟି ପଡ଼ିଥିବା ଗାଡିକୁ ଛିଡା କରାଇବା ସହିତ ଆହତ ମାନଙ୍କୁ ଉଦ୍ଧାର କରି ଲଇଡା ଫାଣ୍ଡି ଅଧିକାରୀ ଯୋଗେଶ୍ୱର କିସାନଙ୍କୁ ସୂଚନା ଦେଇଥିଲେ। ଫାଣ୍ଡି ଅଧିକାରୀ ଶ୍ରୀ କିସାନ ଆହତଙ୍କୁ ଲଇଡା ଡାକ୍ତରଖାନାକୁ ଚିକିତ୍ସା ପାଇଁ ପଠାଇଥିଲେ। ପୂର୍ବତନ ବିଧାୟକ ରମେଶ ପଟୁଆ ନିଜ କାରରେ ମୃତ ଦେହକୁ କଟୁପଡ଼ା ଗ୍ରାମକୁ ପଠାଇଥିଲେ।
Comments are closed.