ନୟାଗଡ: ନୟାଗଡରେ ଚାଞ୍ଚଲ୍ୟକର ଘଟଣା। ବନ୍ଦ ଘରୁ ବାପା, ଝିଅଙ୍କ ମୃତଦେହ ଉଦ୍ଧାର। ଦେବୋତ୍ତର ଲେନ୍ ୪ରେ ଘଟିଛି ଏହି ହୃଦୟ ବିଦାରକ ଘଟଣା। ମୃତକ ହେଲେ ପୁଲକ ବିଶ୍ଵାଳ ଏବଂ ତାଙ୍କ ୫ ବର୍ଷର ଝିଅ ପଲକ। ମାଜିଷ୍ଟ୍ରେଟ ଙ୍କ ଉପସ୍ଥିତିରେ ଘର କବାଟ ଭାଙ୍ଗି ପୁଲିସ୍ ମୃତଦେହ ଉଦ୍ଧାର କରିଛି। ବାପାଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଥିବାବେଳେ ଝିଅର ମୃତଦେହ ବେଡ୍ ଉପରୁ ମିଳିଛି। ଝିଅକୁ ଖାଦ୍ୟରେ ବିଷ ଦେବା ପରେ ପୁଲକ୍ ଆତ୍ମହତ୍ୟା କରିଥିବା ପୁଲିସ୍ ସନ୍ଦେହ କରୁଛି। ମିଳିଥିବା ସୂଚନା ଅନୁସାରେ ପ୍ରଥମ ପତ୍ନୀଙ୍କ ମୃତ୍ୟୁ ପରେ ୩ ମାସ ତଳେ ଦ୍ଵିତୀୟ ବିବାହ କରିଥିଲେ ପୁଲକ୍। ତେବେ କାହିଁକି ଜୀବନକୁ ଶେଷ କରିବାର ଚରମ ନିଷ୍ପତ୍ତି ନେଲେ ପୁଅ, ପାରିବାରିକ ଅଶାନ୍ତି ନା ଅନ୍ୟ କୌଣସି କାରଣ ପାଇଁ ଆତ୍ମହତ୍ୟା କଲେ , ସେ ନେଇ ପୁଲିସ୍ ଏବଂ ସାଇଣ୍ଟିଫିକ୍ ଟିମ୍ ଅଧିକ ଖୋଳତାଡ କରୁଛି।
Comments are closed.