ଭୁବନେଶ୍ବର: ହିଞ୍ଜିଳି ବିଧାନସଭା ନିର୍ବାଚନ ମଣ୍ଡଳୀରେ ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକ ବିଜୟୀ ହୋଇଛନ୍ତି। ବିଜେଡି ବିଧାୟକ ପ୍ରାର୍ଥୀ ନବୀନ ପଟ୍ଟନାୟକ ତାଙ୍କର ନିକଟତମ ପ୍ରତିଦ୍ବନ୍ଦ୍ବୀଙ୍କଠାରୁ ୪୬୪୯ ଭୋଟରେ ବିଜୟୀ ହୋଇଛନ୍ତି। ହିଞ୍ଜିଳି ନିର୍ବାଚନ ମଣ୍ଡଳୀରେ ନବୀନ ପଟ୍ଟନାୟକଙ୍କୁ ୬୬,୩୫୮ ଖଣ୍ଡ ଭୋଟ ମିଳିଥିବାବେଳେ ତାଙ୍କର ନିକଟତମ ପ୍ରତିଦ୍ବନ୍ଦ୍ବୀ ବିଜେପି ପ୍ରାର୍ଥୀ ଶିଶିର କୁମାର ମିଶ୍ର ୬୧,୭୦୯ ଖଣ୍ଡ ଭୋଟ ପାଇଛନ୍ତି। ଏହି ନିର୍ବାଚନରେ କଂଗ୍ରେସ ପ୍ରାର୍ଥୀ ରଜନୀକାନ୍ତ ପାଢ଼ୀ ୫୩୬୬, ଭୋଟ ପାଇଥିବାବେଳେ ସୋସିଆଲିଷ୍ଟ ୟୁନିଟ ସେଣ୍ଟର ଅଫ ଇଣ୍ଡିଆ ପ୍ରାର୍ଥୀ ନାରାୟଣ ସାହୁ ୧୨୫୨, ସ୍ବାଧୀନ ପ୍ରାର୍ଥୀ ରାମନାରାୟଣ ବିଶ୍ବସରାୟ ୧୧୪୨, ଅକ୍ଷୟ କୁମାର ୯୨୨, ଏସ.ଲକ୍ଷ୍ମୀ ଆଚାରୀ ୮୮୪, ସବିତା କୁମାରୀ ସାହୁ ୮୨୨, ବଳରାମ ନାୟକ ୬୪୨, ଭଜରାମ ସାବତ ୫୯୧ ଏବଂ ନୋଟାରେ ୧୯୧୭ ଖଣ୍ଡ ଭୋଟ ମିଳିଛି।
Comments are closed.