ନୂଆଦିଲ୍ଲୀ : ଦେଶରେ କୋବିଡ ଆରୋଗ୍ୟ ହାର ୯୭.୨୭ ପ୍ରତିଶତକୁ ବୃଦ୍ଧି ପାଇଛି। ଗତ ୨୪ଘଣ୍ଟା ମଧ୍ୟରେ ୧୩ ହଜାରରୁ ଅଧିକ ଲୋକ କୋବିଡରୁ ଆରୋଗ୍ୟ ଲାଭ କରିଛନ୍ତି। ଏଥି ସହିତ ଦେଶରେ ଆରୋଗ୍ୟଙ୍କ ସଂଖ୍ୟା ୧ କୋଟି ୫ ଲକ୍ଷରୁ ଅଧିକ ରହିଛି। ଚିକିତ୍ସିତ ହେଉଥିବା ସକ୍ରିୟ ସଂକ୍ରମିତମାନଙ୍କ ସଂଖ୍ୟା ୧ ଲକ୍ଷ ୪୧ ହଜାର ୫୧୧ ରହିଛି, ଯାହା ମୋଟ୍ ସଂକ୍ରମଣର ୧.୩ %। ଦେଶରେ ଗତ ୨୪ଘଣ୍ଟା ମଧ୍ୟରେ ୧୧ ହଜାର ୬୭ ଜଣ ଲୋକ ଭୂତାଣୁରେ ସଂକ୍ରମିତ ହୋଇଛନ୍ତି। ମନ୍ତ୍ରଣାଳୟ କହିଛି ଦେଶରେ ମୋଟ୍ ସଂକ୍ରମଣ ୧ କୋଟି ୮ଲକ୍ଷରୁ ଅଧିକ ରହିଛି।
ସେହିପରି ଗତ ୨୪ଘଣ୍ଟା ମଧ୍ୟରେ ୯୪ ଜଣଙ୍କ ମୃତ୍ୟୁ ପରେ କୋବିଡ ଜନିତ ମୃତ୍ୟୁ ସଂଖ୍ୟା ୧ଲକ୍ଷ ୫୫ ହଜାରରେ ପହଞ୍ଚିଛି। ଦେଶରେ କୋବିଡ ଜନିତ ମୃତ୍ୟୁ ହାର ୧.୪୩ ପ୍ରତିଶତ ରହିଛି।
ଆଇ.ସି.ଏମ୍.ଆର.ରୁ ମିଳିଥିବା ରିପୋର୍ଟ ଅନୁସାରେ ଗତ ୨୪ଘଣ୍ଟା ମଧ୍ୟରେ ୭ଲକ୍ଷ ୩୬ ହଜାର ନମୁନା ପରୀକ୍ଷା କରାଯାଇଛି। ଦେଶରେ ଏପର୍ଯ୍ୟନ୍ତ ମୋଟ୍ ୨୦କୋଟି ୩୩ଲକ୍ଷ ନମୁନା ପରୀକ୍ଷା କରାଯାଇଛି।
କୋବିଡ ଆରୋଗ୍ୟ ହାର ୯୭.୨୭ ପ୍ରତିଶତକୁ ବୃଦ୍ଧି : ମୃତ୍ୟୁ ହାର ୧.୪୩ %
Popular Categories
Previous article
Next article