ଟିକାବାଲି : କନ୍ଧମାଳ ଜିଲ୍ଲାର ଟିକାବାଲି ବ୍ଲକରେ ଗଣମାଧ୍ୟମ ସଂଘ ଦ୍ବାରା ଜାତୀୟ ପ୍ରେସ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ପୂର୍ବତନ ଜିଲ୍ଲା ପରିଷଦ ଉପାଧ୍ୟକ୍ଷ ତଥା ବିଜେପି ରାଜ୍ୟ ଅନୁସୂଚିତ ଉପସଭାପତି ରାମବିଶ ଦିଗାଲ ଯୋଗଦେଇ ବର୍ତ୍ତମାନ ସମାଜରେ ଗଣମାଧ୍ୟମର ଭୂମିକା ଏବଂ ଗଣତନ୍ତ୍ରରେ ଗଣମାଧ୍ୟମ ଚତୁର୍ଥ ସ୍ତମ୍ଭ ଭାବେ ତାହାର ଭୂମିକା ଉପରେ ଗୁରୁତ୍ୱ ଦେଇ ନିଜର ବକ୍ତବ୍ୟ ରଖିଥିଲେ। ସେହିପରି ମୂଖ୍ୟ ବକ୍ତା ଭାବେ ବରିଷ୍ଠ ସାମ୍ବାଦିକ ସୁବାଷ ପାଣିଗ୍ରାହୀ ଯୋଗଦେଇ ଗଣମାଧ୍ୟମ ପ୍ରତିନିଧିମାନେ ଅଞ୍ଚଳର ସମସ୍ୟା ଭିତ୍ତିକ ଖବର ପ୍ରସାରଣ କରିବା ସହ ଜନସାଧାରଣଙ୍କ ଏବଂ ପ୍ରସାସନର ଯୋଗସୂତ୍ର ଭାବେ ନିଜକୁ ଉତ୍ସର୍ଗ କରିବା ନିମନ୍ତେ ପରାମର୍ଶ ଦେଇଥିଲେ। ଜିଲ୍ଲା କଂଗ୍ରେସ ଯୁବ ସଭାପତି ଚନ୍ଦନ ପଣ୍ଡା, ଗ୍ରାମପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ, ବରିଷ୍ଠ ବିଜେପି ନେତା ପ୍ରକାଶ ଭୋଇ ପ୍ରମୁଖ କାର୍ଯ୍ୟକ୍ରମରେ ଯୋଗ ଦେଇଥିଲେ। ସାମ୍ବାଦିକ ଜଶେଫ ଦିଗାଲ ଏହି କାଯ୍ୟକ୍ରମ ପରିଚାଳନା କରିଥିବା ବେଳେ ଜାତୀୟ ପ୍ରେସ ଦିବସ ସଂପର୍କରେ ଅଭିଭାଷଣ ରଖିଥିଲେ ସାମ୍ବାଦିକ ଆକୁଳାନନ୍ଦ ଦିଗାଲ ଏବଂ ସହଯୋଗ କରିଥିଲେ ସାମ୍ବାଦିକ ଗଣେଶ ବେହେରା,ସାମ୍ବାଦିକ ରମେଶ ପଣ୍ଡା। ଶେଷରେ ସାମ୍ବାଦିକ ଅଭିମନ୍ୟୁ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମରେ ଅଞ୍ଚଳର ଅନେକ ବୁଦ୍ଧିଜୀବୀ ଏବଂ ଜନସାଧାରଣ ଉପସ୍ଥି ଥିଲେ।
Popular Categories
Previous article
Next article