ନୂଆଦିଲ୍ଲୀ: ନିମ୍ନମାନର ଔଷଧ ପ୍ରସ୍ତୁତ କରୁଥିବାରୁ ୧୮ଟି ଫାର୍ମା କମ୍ପାନୀର ପଞ୍ଜୀକରଣ ବାତିଲ କରାଯାଇଛି। ଏଥିସହିତ ଏହି କମ୍ପାନୀମାନଙ୍କୁ ଔଷଧ ଉତ୍ପାଦନ ବନ୍ଦ କରିବାକୁ ନିର୍ଦେଶ ଦିଆଯାଇଛି। ୨୬ଟି ଫାର୍ମା କମ୍ପାନୀ ବିରୋଧରେ କାରଣ ଦର୍ଶାଅ ନୋଟିସ୍ ଜାରି କରାଯାଇଛି। ଭାରତୀୟ ଔଷଧ ମହାନିୟନ୍ତ୍ରକ (ଡିସିଜିଆଇ) ଏଭଳି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ଜଣାପଡ଼ିଛି। ଡିସିଜିଆଇ ତରଫରୁ ୭୬ଟି ଫାର୍ମାସ୍ୟୁଟିକାଲ କମ୍ପାନୀ ବିରୋଧରେ ଯାଞ୍ଚ କରାଯାଇଥିଲା। ଏହି ଯାଞ୍ଚ ପ୍ରକ୍ରିୟାରେ ୨୦ଟି ରାଜ୍ୟରେ କେନ୍ଦ୍ରୀୟ ଓ ରାଜ୍ୟ ଟିମ୍ ସାମିଲ ହୋଇଥିଲେ। ତେବେ ଫାର୍ମା କମ୍ପାନୀମାନେ ଖରାପ ଗୁଣବତ୍ତା ତଥା ନିମ୍ନମାନର ଡ୍ରଗ୍ ପ୍ରସ୍ତୁତ କରୁଥିବା ଯାଞ୍ଚରୁ ଜଣାପଡ଼ିଥିଲା। ନକଲି ଔଷଧ ନିର୍ମାଣ କରୁଥିବା କମ୍ପାନୀଙ୍କ ବିରୋଧରେ ଗତ କିଛିଦିନ ଧରି ଅଭିଯାନ ଚାଲିଥିଲା। ସତ ସାମ୍ନାକୁ ଆସିବା ପରେ ଏବେ ଏହି ନିଷ୍ପତ୍ତି ନିଆଯାଇଛି। ଗତ ୨୦ ଦିନ ଧରି ଦେଶର ଅଲଗା ଅଲଗା ରାଜ୍ୟରେ ଡିସିଜିଆଇର ୨୦ରୁ ୨୫ଟି ଟିମ୍ ଫାର୍ମା କମ୍ପାନୀଗୁଡ଼ିକ ଉପରେ ନିରୀକ୍ଷଣ କରୁଥିଲେ। ପଞ୍ଜୀକରଣ ରଦ୍ଦ ହୋଇଥିବା କମ୍ପାନୀଗୁଡ଼ିକ ମଧ୍ୟରେ ହିମାଚଳ ପ୍ରଦେଶର ୭୦ଟି, ମଧ୍ୟପ୍ରଦେଶର ୨୩ଟି ଓ ଉତ୍ତରାଖଣ୍ଡର ୪୫ଟି ରହିଥିବା ଜଣାପଡ଼ିଛି।
Popular Categories
Previous article
Next article