ନୂଆଦିଲ୍ଲୀ: ବାଣିଜ୍ୟ ମନ୍ତ୍ରୀ ପିୟୂଷ ଗୋଏଲ ଶୁକ୍ରବାର ନୂଆ ବୈଦେଶିକ ବାଣିଜ୍ୟ ନୀତି-୨୦୨୩ (ଏଫଟିପି) ଘୋଷଣା କରିଛନ୍ତି। ଏହି ନୀତି ଫଳରେ ବୈଶ୍ବିକ ମାନ୍ଦାବସ୍ଥା ସତ୍ତ୍ବେ ଦେଶର ରପ୍ତାନି ବୃଦ୍ଧି ପାଇବ। ଏଫ୍ଟିପି ଅନୁଯାୟୀ ୨୦୩୦ ମଧ୍ୟରେ ସରକାରଙ୍କ ଦ୍ରବ୍ୟ ଓ ସେବା ରପ୍ତାନି ୨ ଟ୍ରିଲିଅନ ଡଲାର ପର୍ଯ୍ୟନ୍ତ ପହଞ୍ଚି ଯିବ ବୋଲି ଅନୁମାନ କରାଯାଇଛି। ‘ନୂଆ ବୈଦେଶିକ ବାଣିଜ୍ୟ ନୀତି-୨୦୨୩’ ଆସନ୍ତାକାଲି ଠାରୁ ଲାଗୁ ହେବ। ଏହି ନୀତି ଅନୁଯାୟୀ ଟଙ୍କାରେ ବିଦେଶରେ ବ୍ୟବସାୟ କରିବା ସହଜ ହେବ ବୋଲି ଗୋଏଲ କହିଛନ୍ତି। ଆର୍ଥିକ ବର୍ଷ ୨୦୨୩ରେ ଭାରତର ସମୁଦାୟ ରପ୍ତାନି ୨୦୨୧-୨୨ରେ ୬୭୬ ବିଲିଅନ ଡଲାରକୁ ଅତିକ୍ରମ କରି ୭୬୦ ବିଲିଅନ ଡଲାରରେ ପହଞ୍ଚି ଯିବ ବୋଲି ବୈଦେଶିକ ବାଣିଜ୍ୟ ମହାନିର୍ଦେଶକ ସନ୍ତୋଷ ଷଡ଼ଙ୍ଗୀ କହିଛନ୍ତି। ନୂଆ ନୀତି ଅନୁଯାୟୀ ରପ୍ତାନି କ୍ଷେତ୍ରକୁ ଅଧିକ ପ୍ରାଧାନ୍ୟ ଯୋଗାଇ ଦିଆଯିବ। ଏହି ନୀତି ‘ଇଜି ଅଫ ଡୁଇଙ୍ଗ୍ ବିଜ୍ନେଶ’ ଉପରେ ଗୁରୁତ୍ବ ଦେବ। ଆବଶ୍ୟକ ହେଲେ ଏଫଟିପିକୁ ଅପଡେଟ କରାଯିବ। ଏହି ନୀତି ଗତିଶୀଳ ହେବ। ଏହି ନୀତି ଉପରେ ଫିଡ୍ବ୍ୟାକ୍ ଦେବା ପାଇଁ ଶେଷ ତାରିଖ ଘୋଷଣା କରାଯାଇ ନାହିଁ। ଏହି ନୂଆ ନୀତି ୨୦୨୮ ପର୍ଯ୍ୟନ୍ତ ଲାଗୁ ରହିବ ବୋଲି ମହାନିର୍ଦେଶକ କହିଛନ୍ତି। ରପ୍ତାନୀକୁ ଅଗ୍ରାଧିକାର ଦେବା ପାଇଁ ସରକାର ଏହି ନୀତିକୁ ଆହୁରି ସରଳ କରିବେ ବୋଲି ଗୋଏଲ କହିଛନ୍ତି।
Popular Categories
Previous article
Next article