ନନ୍ଦପୁର: ବୁଧବାର ସାପ୍ତାହିକ ହାଟ ପାଇଁ କୋରାପୁଟ ଜିଲା ନନ୍ଦପୁର ବ୍ଲକ ସଦର ମହକୁମା ଚଳ ଚଞ୍ଚଳ ଥିବାବେଳେ ଡ୍ରାଇଭର ସଂଘ ତରଫରୁ ଧାରଣା ଦିଆଯାଇ ରାସ୍ତା ଅବରୋଧ କରାଯାଇଛି। ମଙ୍ଗଳବାର ସନ୍ଧ୍ୟାରେ ପିକ୍ଅପ୍ ଗାଡ଼ି ଧକ୍କାରେ ମୃତ ଚାଳକ ସନ୍ତୋଷ ସାହୁଙ୍କ ମୃତଦେହ ରଖି ରାସ୍ତା ଅବରୋଧ କରିଛନ୍ତି ଡ୍ରାଇଭର ସଂଘ ସଦସ୍ୟ। ଗତକାଲି ସନ୍ଧ୍ୟାରେ ଚାଳକ ସନ୍ତୋଷ ସାହୁ ଚାଲି ଚାଲି ଯାଉଥିବା ସମୟରେ ଏକ ପିକ୍ଅପ୍ ଗାଡ଼ି ତାଙ୍କ ଧକ୍କା ଦେଇ ଫେରାର ହୋଇଯାଇଥିଲା। ଫଳରେ ସନ୍ତୋଷଙ୍କ ମୃତ୍ୟୁ ଘଟିଥିଲା। ଦୁର୍ଘଟଣା ଘଟାଇ ଖସି ଚାଲି ଯାଇଥିବା ପିକ୍ଅପ୍ ଗାଡ଼ିକୁ ପୁଲିସ ଖୋଜି ପାଇବାରେ ସଫଳ ହୋଇଥିଲେ ମଧ୍ୟ ଗାଡ଼ି ଚାଳକ ଓ ମାଲିକଙ୍କୁ ଖୋଜି ପାଇବାରେ ବିଫଳ ହୋଇଥିବାରୁ ଡ୍ରାଇଭର ସଂଘ ପକ୍ଷରୁ ନନ୍ଦପୁର ପୁଲିସର କାର୍ଯ୍ୟକଳାପ ଉପରେ ଅସନ୍ତୋଷ ପ୍ରକାଶ ପାଇଛି। ଚାଳକ, ମାଲିକଙ୍କୁ ତୁରନ୍ତ ଗିରଫ କରାଯାଉ ଓ ମୃତ ଚାଳକଙ୍କ ପରିବାରକୁ କ୍ଷତିପୂରଣ ଦିଆଯାଉ ବୋଲି ସେମାନେ ଦାବି କରିଛନ୍ତି। ନନ୍ଦପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରୁ ମୃତଦେହକୁ ଆଣି ନନ୍ଦପୁର ବ୍ଲକ ସଦର ମହକୁମା ଏମଡିଆର ୫୫ ରାସ୍ତାରେ ରଖି ଟାୟାର ଜାଳି ରାସ୍ତା ଅବରୋଧ କରିଛନ୍ତି। ଫଳତଃ ସେମିଳିଗୁଡା ପାଡୁଆ ଯାତାୟତ ବନ୍ଦ ହୋଇଛି। ନନ୍ଦପୁର ଏସଡିପିଓ ସମ୍ବିତ କୁମାର ମାଝୀ ଓ ଥାନାଧିକାରୀ ମମତା ପଣ୍ଡା ଧାରଣା ସ୍ଥଳରେ ପହଞ୍ଚି ଡ୍ରାଇଭର ସଂଘ ଓ ପରିବାର ଲୋକଙ୍କ ସହ ଆଲୋଚନା କରିଥିଲେ ମଧ୍ୟ କୌଣସି ନିଷ୍କର୍ସ ବାହାରି ନଥିବାରୁ ରାସ୍ତା ଅବରୋଧ ଜାରି ରହିଛି।
ପିକ୍ଅପ୍ ଧକ୍କାରେ ଚାଳକଙ୍କ ମୃତ୍ୟୁ ଘଟଣା; ମୃତଦେହ ରଖି ଡ୍ରାଇଭର ସଂଘ ପକ୍ଷରୁ ରାସ୍ତା ଅବରୋଧ
Popular Categories
Previous article
Next article