ନୋଇଡ଼ା ପାର୍କରେ ନମାଜ ପାଠ ଉପରେ ପୁଲିସର ପ୍ରତିବନ୍ଧକ

ନୂଆଦିଲ୍ଲୀ: ରାଜଧାନୀ ଦିଲ୍ଲୀ ସଂଲଗ୍ନ ଉତ୍ତରପ୍ରଦେଶର ନୋଇଡ଼ାର ସେକ୍ଟର ୫୮ର ପାର୍କରେ ନମାଜ ପାଠ ଉପରେ ସ୍ଥାନୀୟ ପୁଲିସ ପ୍ରତିବନ୍ଧକ ଲଗାଇଛି। ଏହି ବିଜ୍ଞପ୍ତି ମାଧ୍ୟମରେ ସେକ୍ଟର ୫୮ ଥାନା ଅଧିକାରୀ ଉକ୍ତ ପାର୍କରେ କୌଣସି ଧାର୍ମିକ ଅନୁଷ୍ଠାନ ଉପରେ ପ୍ରତିବନ୍ଧକ ଲଗାଇଛନ୍ତି। ଉକ୍ତ ପାର୍କର ରକ୍ଷଣାବେକ୍ଷଣ ସ୍ଥାନୀୟ ପ୍ରଶାସନ ହାତରେ ରହିଛି। ଶୁକ୍ରବାର ଏଠାରେ ୧୨ରୁ ୧୫ଜଣ ଏହି ପାର୍କରେ ନମାଜ ପାଠ କରୁଥିଲେ। ତେବେ କ୍ରମଶଃ ଏହି ସଂଖ୍ୟା ବୃଦ୍ଧି ପାଇଁ ୨୦୦ରୁ ଊଦ୍ଧ୍ୱର୍ରେ ପହଞ୍ôଚ ଥିଲା। ଏହାକୁ ନେଇ ପାର୍କରେ ଭ୍ରମଣ ପାଇଁ ଯାଉଥିବା ବ୍ୟକ୍ତି ଏ ସମ୍ପର୍କରେ ଅଭିଯୋଗ କରିଥିଲେ। ଏହି ଅଭିଯୋଗ ଉପରେ ପଦକ୍ଷେପ ଗ୍ରହଣ କରି ସ୍ଥାନୀୟ ପୁଲିସ ଏହି ବିଜ୍ଞପ୍ତି ଜାରି କରିଛି। ଆଗାମୀ ଦିନରେ ପାର୍କରେ ଏଭଳି ଘଟଣାର ପୁନରାବୃତ୍ତି ହେଲେ ଏଥିପାଇଁ ପାର୍କ ରକ୍ଷଣାବେକ୍ଷଣ ଦାୟିତ୍ୱରେ ଥିବା ଘରୋଇ କମ୍ପାନୀ ହେବ ବୋଲି ପୁଲିସ ପ୍ରକାଶ କରିଛି।