କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ରଙ୍କୁ ଭେଟିଲେ ସାଂସଦ ରମେଶ ମାଝୀ, ନୂଆ କେନ୍ଦ୍ରୀୟ ବିଦ୍ୟାଳୟ ଖୋଲିବାକୁ ଅନୁରୋଧ କଲେ

ନବରଙ୍ଗପୁର: ନବରଙ୍ଗପୁର ସଂସଦୀୟ କ୍ଷେତ୍ର ଅଂଚଳରେ ଆଉ ସ୍ଥାନରେ ନୂତନ କେନ୍ଦ୍ରୀୟ ବିଦ୍ୟାଳୟ ଖୋଲିବା ପାଇଁ ଆଜି କେନ୍ଦ୍ର ଶିକ୍ଷାମନ୍ତ୍ରୀଙ୍କୁ ଭେଟି ଲିଖିତ ପତ୍ର ପ୍ରଦାନ କରିଛନ୍ତି ସାଂସଦ ରମେଶ ଚନ୍ଦ୍ର ମାଝୀ। ବର୍ତମାନ କେନ୍ଦ୍ର ପାର୍ଲାମେଣ୍ଟରେ ମୌସୁମୀ ଅଧିବେଶନରେ ଯୋଗ ଦେଇ ନବରଙ୍ଗପୁର ସାଂସଦ ଶ୍ରୀ ମାଝୀ ଆଜି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କାର୍ଯ୍ୟାଳୟରେ ଭେଟି ତାଙ୍କ ନବରଙ୍ଗପୁର ସଂସଦୀୟ କ୍ଷେତ୍ର ଅଂଚଳର ମାଲକାନଗିରି ଜିଲ୍ଲା ଖୋଇରପୁଟ, କୋରାପୁଟ ଜିଲ୍ଲା କୋଟପାଡ଼ ଏବଂ ନବରଙ୍ଗପୁର ଜିଲ୍ଲା ଉମରକୋଟ ଆଦି ସ୍ଥାନରେ ଶିକ୍ଷାର ବିକାଶ ଏବଂ ଲୋକଙ୍କ ଦାବି ଅନୁଯାଇ ୩ ଗୋଟି ନୂତନ କେନ୍ଦ୍ରୀୟ ବିଦ୍ୟାଳୟ ଖୋଲିବା ପାଇଁ ଏକ ଦାବି ଉପସ୍ଥାପନ କରିଛନ୍ତି।

ପୂର୍ବରୁ ମଧ୍ୟ ଶ୍ରୀ ମାଝୀ ପୂର୍ବତନ କେନ୍ଦ୍ରମନ୍ତ୍ରୀ ନିକଟରେ ଦାବି ଉପସ୍ଥାପନା କରିଥିଲେ ହେଁ ବର୍ତମାନ କେନ୍ଦ୍ର ମନ୍ତ୍ରୀମଣ୍ଡଳରେ ଅଦଳ ବଦଳ ପରେ ଧର୍ମେନ୍ଦ୍ର ପ୍ରଧାନଙ୍କୁ ଶିକ୍ଷା ବିଭାଗ ଦାୟିତ୍ୱ ଦେଇଥିବା ଯୋଗୁଁ ପୁଣିଥରେ ସେହି ଦାବିକୁ ପୁନର୍ବାର ଉପସ୍ଥାପନ କରିଛନ୍ତି। ସାଂସଦ ରମେଶ ମାଝୀଙ୍କ ଅନୁରୋଧ ପରେ ରାଜ୍ୟ ସରକାର ତରଫରୁ ପ୍ରସ୍ତାବ ଆସିଲେ ଏହାକୁ ଶୀଘ୍ର କାର୍ଯ୍ୟକାରୀ କରିବା ପାଇଁ କେନ୍ଦ୍ରମନ୍ତ୍ରୀ ପ୍ରତିଶୃତି ଦେଇଥିବା ଶ୍ରୀ ମାଝୀ ସୂଚନା ଦେଇଛନ୍ତି।

Glad to meet MP, Nabarangpur, Sh. @rameshmajhinp & MP, Dhenkanal, Sh. @Mahesh5700. They had valuable suggestions on strengthening school education in Nabarangpur, Malkangiri and Dhenkanal district of Odisha & on making education equitable for students from the SC, ST categories. pic.twitter.com/0KKiXXFBTc

— Dharmendra Pradhan (@dpradhanbjp) July 20, 2021