ଡେସ୍କ: ମିଆଁମାରରେ ଅବସ୍ଥା ବିଗିଡିବା ନେଇ ବୈଦେଶିକ ମନ୍ତ୍ରଣାଳୟ ଉଦବେଗ ପ୍ରକାଶ କରିଛି। ଆଜି ନୂଆଦିଲ୍ଲୀରେ ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ରଣଧୀର ଜୈଶୱାଲ କହିଛନ୍ତି ଯେ ଏହାର ପ୍ରଭାବ ସିଧାସଳଖ ଭାରତ ଉପରେ ପଡୁଛି। ସେ କହିଛନ୍ତି ଯେ ପଡୋଶୀ ଦେଶ ତଥା ମିଆଁମାରର ବନ୍ଧୁ ଭାବରେ ମିଆଁମାରରେ ହିଂସାର ସମ୍ପୂର୍ଣ୍ଣ ସମାପ୍ତି ଏବଂ ସଂଘୀୟ ଗଣତନ୍ତ୍ର ପାଇଁ ଭାରତ ଦୀର୍ଘ ଦିନରୁ ଓକିଲାତି କରିଆସୁଛି। ସେ କହିଛନ୍ତି ଯେ ଭାରତ ଗଠନମୂଳକ କଥାବାର୍ତ୍ତା ଏବଂ ଦେଶରେ ଶାନ୍ତି ଓ ସ୍ଥିରତା ମାଧ୍ୟମରେ ଏହି ସମସ୍ୟାର ଶୀଘ୍ର ସମାଧାନ କରିବାକୁ ଚାହୁଁଛି।
ଓଡ଼ିଶାକୁ ରେଳ ବଜେଟରେ ୧୦, ୫୩୬କୋଟିର ଅନୁଦାନ ମିଳିଛି-ଅଶ୍ବିନୀ ବୈଷ୍ଣବ
ଭାରତ-ଆମେରିକାର ଡ୍ରୋନ୍ ଚୁକ୍ତି ସମ୍ପର୍କରେ ଶ୍ରୀ ଜୈଶୱାଲ କହିଛନ୍ତି ଯେ ଏହି ନିର୍ଦ୍ଦିଷ୍ଟ ପ୍ରସଙ୍ଗରେ ଆମେରିକାର ନିଜସ୍ୱ ଆଭ୍ୟନ୍ତରୀଣ ପ୍ରକ୍ରିୟା ଅଛି ଏବଂ ଭାରତ ତାହାର ସମ୍ମାନ କରେ। ଲଦାଖରେ ଭାରତ-ଚୀନ୍ ସୀମା ନିକଟରେ ଭାରତୀୟ ପଶୁପାଳକମାନେ ଚୀନ୍ ସୈନ୍ୟଙ୍କ ସହ ମୁହାଁମୁହିଁ ହୋଇଥିବା ଭିଡିଓ ସମ୍ପର୍କରେ ସେ କହିଛନ୍ତି ଯେ ଉଭୟ ଦେଶର ଲୋକମାନେ ସେମାନଙ୍କର ପଶୁ ଚରାଇବା ସ୍ଥାନ ବିଷୟରେ ଭଲ ଭାବରେ ଜାଣିଛନ୍ତି ଏବଂ ଏହାର ମୁକାବିଲା ପାଇଁ ଏକ ପ୍ରଣାଳୀ ଅଛି।
