ମସଜିଦରେ ନମାଜ ପାଠ ପାଇଁ ସୁପ୍ରିମକୋର୍ଟଙ୍କ ଅନୁମତି ଲୋଡିଲେ ମୁସଲିମ ମହିଳା

ନୂଆଦିଲ୍ଲୀ: ମୁସଲିମ ମହିଳାମାନଙ୍କୁ ମସଜିଦରେ ନମାଜ ପାଠ କରିବା ପାଇଁ ଅନୁମତି ଦେବାକୁ ସର୍ବୋଚ୍ଚ ନ୍ୟାୟାଳୟରେ ଆବେଦନ କରାଯାଇଛି। ମୁସଲମାନ ସମ୍ପ୍ରଦାୟର ପବିତ୍ର ଧର୍ମଗ୍ରନ୍ଥ ‘କୋରାନ’ରେ ବର୍ଣିତ ପ୍ରସଙ୍ଗ ଉତ୍ତଥାପନ କରିବା ସହ ସେଥିରେ କୌଣସି ଲିଙ୍ଗଗତ ଭେଦଭାବ ନ ଥିବା ଦର୍ଶାଯାଇଛି। ଆଇନଜୀବୀ ଆଶୁତୋଷ ଦୁବେଙ୍କ ପକ୍ଷରୁ ଦାୟର ଆବେଦନରେ ମସଜିଦରେ ମୁସଲିମ ମହିଳାଙ୍କ ନମାଜ ପାଠ ଉପରେ ପ୍ରତିବନ୍ଧକ ବେନିୟମ ଓ ଅସାମ୍ବିଧାନିକ ବୋଲି କୁହାଯାଇଛି । ଏହା ମୌଳିକ ଅଧିକାରର ଉଲ୍ଲଙ୍ଘନ ଏବଂ ଏଭଳି ପରମ୍ପରା ମହିଳାଙ୍କ ପ୍ରତି ଅସମ୍ମାନ ବୋଲି କୁହାଯାଇଛି।