ଧର୍ମଗଡ/କଲମପୁର : କଳାହାଣ୍ଡତି ଜିଲା ଥୁଆମୂଳ ରାମପୁର ଅନ୍ତର୍ଗତ କୁମ୍ଭାରଗୁଡାରେ ସ୍ବାମୀ ତାର ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କରି ଗିରଫ ହୋଇଥିବା ଜଣାପଡ଼ିଛି। ଗିରଫ ଅଭିଯୁକ୍ତର ନାମ ଯୁବକଙ୍କ ନାମ ଦାନ ମାଝି। ସୂଚୁନା ଅନୁଯାୟୀ, କୁମ୍ଭାରଗୁଡା ଗାଁର ଦାନ ମାଝି(୫୬) ମହାଦେଇ ମାଝି ନାମ୍ନି ଜନୈକା ମହିଳାକୁ ପ୍ରାୟ ୨୦/୨୫ବର୍ଷ ତଳେ ବିବାହ କରିଥିଲା। ତାଙ୍କର ଦୁଇ ଝିଅ ଓ ଗାଟିଏ ପୁଅ ରହଛି। ବଡ ଝିଅ ମମିତାର ବୟସ ୧୮ ହୋଇଥିବାବେଳେ ଅନିତାର ୧୧ଓ ସାନ ପୁଅ ରାଜିନ୍ଦ୍ରର ବୟସ ୮ବର୍ଷ। ନିଜ ପରିବାର ପ୍ରତିପୋଷଣ କରିବା ପାଇଁ ଦାନ ମାଝି ଗତ ବର୍ଷେ ତଳେ କେରଳକୁ ଦାଦନ ଖଟିବାକୁ ଯାଇଥିଲା। ଏହି ସମୟ ମଧ୍ୟରେ ଦାନଙ୍କ ସ୍ତ୍ରୀ ମହାଦେଇ ନିଜର ଜଣେ ସମ୍ପର୍କିୟ ଦେଢ଼ଶଶୁର ସାନା ମାଝି ସହ ସମ୍ପର୍କ ରଖି ତାକୁ ବିବାହ କରି ସିଆଳିପଦର ଗାଁରେ ରହୁଥିଲା। ୬ମାସ ପରେ ଦାନ ମାଝି ଘରକୁ ଫେରି ନିଜ ସ୍ତ୍ରୀର ବିଷୟରେ ଅବଗତ ହେବା ପରେ ନିରବ ରହିଥିଲେ। ତେବେ ମୃତ ମହାଦେଇ କୁଆଡେ ଦାନ ମାଝି ଘରୁ ଯିବାବେଳେ ୧୫୦୦୦ଟଙ୍କା ଓ କିଛି ଜିନିଷ ପତ୍ର ନେଇ ଯାଇଥିଲେ। ଯାହାକୁ ଫେରେଇ ଦେବା ପାଇଁ ଦାନ ମାଝି ବାରମ୍ବାର ମୃତକଙ୍କୁ ଅନୁରୋଧ କରିଥିଲେ। କିନ୍ତୁ ମୃତ ମହିଳା ଜଣକ ଦେବି ଦେବି କହି ଠକି ଚାଲିବାରୁ ଶେଷରେ ଶୋଇଥିବା ଦାନ ମାଝି ଘରକୁ ଯାଇ ଟାଙ୍ଗିଆରେ ହାଣି ହତ୍ୟା କରିଥିବା ପ୍ରକାଶ। ଥାନା ଆଇଆଇସି ମନରଂଜନ କୁମ୍ଭାର ଏନେଇ ଏକ ହତ୍ୟା ମାମଲା ରୁଜୁ କରିବା ସହ ଅଭିଯୁକ୍ତକୁ ଗିରଫ କରି ତଦନ୍ତ ଆରମ୍ଭ କରିଥିବା କହିଛନ୍ତି।
Comments are closed.