ନୂଆଦିଲ୍ଲୀ: ବହୁଜନ ସମାଜ ପାର୍ଟି (ବିଏସପି) ତାହାର ଉତ୍ତର ପ୍ରଦେଶ ରାଜ୍ୟ ସଭାପତି ଭୀମ ରାଜଭରଙ୍କୁ ଆଗାମୀ ବିଧାନସଭା ନିର୍ବାଚନରେ ମାଉ ନିର୍ବାଚନ ମଣ୍ଡଳୀରୁ ପ୍ରାର୍ଥୀ କରିବ। ମୁଖତାର ଆନସାରିଙ୍କ ସ୍ଥାନରେ ରାଜଭରଙ୍କୁ ପ୍ରାର୍ଥୀ କରାଯିବ ବୋଲି ଦଳର ମୁଖ୍ୟ ମାୟାବତୀ କହିଛନ୍ତି। ଏକାଧିକ ଟ୍ୱିଟ୍ କରି ମାୟାବତୀ କହିଛନ୍ତି, ଉତ୍ତର ପ୍ରଦେଶରେ ଆଗାମୀ ବିଧାନସଭା ନିର୍ବାଚନରେ ମାଫିଆ ଏବଂ ଅସାମାଜିକ ବ୍ୟକ୍ତିମାନେ ଯେଭଳି ଦଳୀୟ ଟିକେଟ ନପାଇବେ, ସେଥିପ୍ରତି ଦୃଷ୍ଟି ଦିଆଯିବ। ଏଥିସହିତ ଦଳୀୟ ପ୍ରାର୍ଥୀଙ୍କୁ ମନୋନୀତ କରିବା ସମୟରେ ସ୍ୱତନ୍ତ୍ର ଦୃଷ୍ଟି ଦେବାକୁ ସେ ଦଳର ବିଭିନ୍ନ ଦାୟିତ୍ୱରେ ଥିବା ବ୍ୟକ୍ତି ବିଶେଷଙ୍କୁ ନିବେଦନ କରିଛନ୍ତି। ଏହାଦ୍ୱାରା ରାଜ୍ୟରେ ତାଙ୍କ ଦଳ ଯଦି ସରକାର ଗଠନ କରେ ତେବେ ଏଭଳି ଲୋକଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାରେ ଆଉ କିଛି ସମସ୍ୟା ରହିବ ନାହିଁ। ବିଏସପିର ଜଣେ ପୂର୍ବତନ ବିଧାୟକ ସିବଘାତୁଲ୍ଲା ଆନସାରି ଗତ ମାସରେ ତାଙ୍କ ସମର୍ଥକମାନଙ୍କ ସହିତ ସମାଜବାଦୀ ପାର୍ଟିରେ ଯୋଗଦେଇଥିଲେ। ସିବଘାତୁଲ୍ଲା ହେଉଛନ୍ତି କୁଖ୍ୟାତ ଅପରାଧୀ ତଥା ସଂପ୍ରତି ଉତ୍ତର ପ୍ରଦେଶରେ କାରାଗାରରେ ବନ୍ଦୀ ଥିବା ମୁଖତାର ଆନସାରିଙ୍କ ଭାଇ।
କୁଖ୍ୟାତ ଅପରାଧୀ ମୁଖ୍ତାର ଆନସାରୀ ଆଉ ବିଏସପି ପ୍ରାର୍ଥୀ ନୁହନ୍ତି- ମାୟାବତୀ
Popular Categories
Previous article
Next article