ମୁଖୀଗୁଡା: କଳାହାଣ୍ଡି ଜିଲା ଜୟପାଟଣା-ମୁଖୀଗୁଡା ରାସ୍ତା ଆରଏମସି ଛକ ନିକଟରେ ଗର୍ତ୍ତ ସୃଷ୍ଟି ହୋଇଥିବାରୁ ରାସ୍ତାରେ ଯାଉଥିବା ଯାନବାହାନ ଦୁର୍ଘଟଣାର ସମ୍ମୁଖୀନ ହେଉଛନ୍ତି। ଏହି ଗାତ ବୁଲାଣିରେ ରହିଥିବାରୁ ରାସ୍ତାରେ ସତର୍କ ନହେଲେ ଦୁର୍ଘଟଣା ଘଟିବା ସୁନିଶ୍ଚିତ। ଜୟପାଟଣା-ମୁଖୀଗୁଡା ରାସ୍ତାର ଉନ୍ନତିକରଣ ପାଇଁ ଭବାନୀପାଟଣା ପୂର୍ତ୍ତ ବିଭାଗ ଦ୍ବାରା ୭କୋଟି ୩୪ ଲକ୍ଷ ୪୮ ହଜାର ୩୦୧ ଟଙ୍କା ବ୍ୟୟ ଅଟକଳରେ ନିର୍ମାଣ ହେଲା। କାମ ଶେଷ ହେବା ସମୟ ୧୯ ଏପ୍ରିଲ ୨୦୨୨ ବୋଲି ରାସ୍ତା କଡରେ ଥିବା ବୋର୍ଡ଼ରେ ଉଲ୍ଲେଖ ରହିଛି, ହେଲେ ଦୀର୍ଘ ଦିନ ହେଲା ଆରଏମସି ଛକର ଗର୍ତ୍ତ ମରାମତି ହେଉନାହିଁ। ଏହି ରାସ୍ତା ଦେଇ ଦୈନିକ ଶହ ଶହ ଗାଡି ମୋଟର ଯାତାୟତ ହେଉଛି। ଏହି ରାସ୍ତା ଦେଇ ଯାଉଥିବା ଲୋକେ ଦୁର୍ଘଟଣାର ଶିକାର ହେଉଥିବାରୁ ଏହାର ମରାମତି ଜରୁରୀ ହୋଇ ପଡ଼ିଛି। ଏଣୁ ବିଭାଗୀୟ ଉଚ୍ଚ କର୍ତ୍ତୃପକ୍ଷ ତୁରନ୍ତ ଆବଶ୍ୟକ ପଦକ୍ଷେପ ନେବାକୁ ଦାବି ହେଉଛି।
Popular Categories
Previous article
Next article