ନୂଆଦିଲ୍ଲୀ, ଆନ୍ଧ୍ରପ୍ରଦେଶକୁ ସ୍ୱତନ୍ତ୍ର ରାଜ୍ୟ ପାହ୍ୟା ଦାବିରେ ୱାଇଏସ୍ଆର କଂଗ୍ରେସର ୫ ଜଣ ସାଂସଦ ଇସ୍ତଫା ଦେବା ସହିତ ଦିଲ୍ଲୀସ୍ଥିତ ଆନ୍ଧ୍ରଭବନ ସାମ୍ନାରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଅନଶନରେ ବସିଛନ୍ତି । ଏହି ପ୍ରସଙ୍ଗରେ ଲୋକସଭାରେ ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ପାଇଁ ୱାଇଏସ୍ଆର କଂଗ୍ରେସର ସାଂସଦମାନେ କହିଥିଲେ । ମାତ୍ର ବାଚସ୍ପତି ଏଥିପାଇଁ ଅନୁମତି ଦେଇ ନ ଥିଲେ । ଆଜି ସଂସଦର ଉଭୟ ଗୃହ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ଘୋଷିତ ହେବା ପରେ ୱାଇଏସ୍ଆର କଂଗ୍ରେସର ୫ ଜଣ ସାଂସଦ ଭି. ଭାରା ପ୍ରସାଦ ରାଓ, ୱାଇ ଭି ସୁବା ରେଡ୍ଡି, ପି ଭି ମିଧୁନ ରେଡ୍ଡି, ୱାଇ ଏସ୍ ଅଭିନାଶ ଆର ମେକାପତି, ରାଜାମୋହନ ରେଡ୍ଡି ଲୋକସଭା ବାଚସ୍ପତି ସୁମିତ୍ରା ମହାଜନଙ୍କୁ ଇସ୍ତଫା ପତ୍ର ଦେଇଛନ୍ତି । ଟିଡିପି ମୁଖ୍ୟ ତଥା ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡ଼ୁଙ୍କ ଅବହେଳା ଯୋଗୁଁ ଆନ୍ଧ୍ରପ୍ରଦେଶକୁ ସ୍ୱତନ୍ତ୍ର ମାନ୍ୟତା ଦାବି ସଠିକ୍ ଢଙ୍ଗରେ ଉପସ୍ଥାପନ କରାଯାଇପାର ିନ ଥିବା ୱାଇଏସ୍ଆର ସାଂସଦମାନେ ଅଭିଯୋଗ କରିଛନ୍ତି ।
Popular Categories
Previous article
Next article