ନୂଆଦିଲ୍ଲୀ : ସ୍ମାର୍ଟଫୋନ୍ ନିର୍ମାତା ମୋଟୋରୋଲା ଭାରତୀୟ ବଜାରରେ ନିଜ ନୂଆ ସ୍ମାର୍ଟଫୋନ୍ ମୋଟୋରୋଲା ଏଜ୍ ୫୦ ପ୍ରୋ ଲଞ୍ଚ୍ କରିଦେଇଛି । କମ୍ପାନୀ କହିଛି କି ଏଥିରେ ବିଶ୍ବର ପ୍ରଥମ କୃତ୍ରିମ ବୁଦ୍ଧିମତା ବିଶିଷ୍ଟ କ୍ୟାମେରା ଲାଗିଛି । ଏହା ସହିତ ଏଥିରେ ୧.୫ କେ ରିଜୋଲ୍ୟୁସନ ଏବଂ ୧୪୪ ହର୍ଜ ରିଫ୍ରେଶ୍ ରେଟ୍ ବିଶିଷ୍ଟ କଲର ଡିସପ୍ଲେ ରହିଛି । ଏହାର ପ୍ରାରମ୍ଭିକ ଦାମ୍ ୨୭୯୯୯ ଟଙ୍କା ରଖିଛି କମ୍ପାନୀ ।
Unleash your inner artist with #MotorolaEdge50Pro! AI-Powered Camera, Pantone display turn moments into art. Special launch offer: ₹2000 off, net price from ₹27,999/-.
Sale starts 9th April @Flipkart, https://t.co/azcEfy1Wlo, & all leading retail stores.#IntelligenceMeetsArt
— Motorola India (@motorolaindia) April 3, 2024
ମୋଟୋରୋଲାର କହିବାନୁସାରେ ଉପଭୋକ୍ତାଙ୍କୁ ଏଥିରେ କୃତ୍ରିମ ବୁଦ୍ଧିମତା ବିଶିଷ୍ଟ କ୍ୟାମେରା ମିଳିବ । ଏହା ସହିତ ଏଥିରେ ଅନେକ ଖାସ୍ ଫିଚର୍ସ ମଧ୍ୟ ରହିଛି । ଫୋନରେ ୫୦ ଏମପିର ପ୍ରାଇମେରୀ କ୍ୟାମେରା, ୧୩ ଏମପିର ମାକ୍ରୋ-ଅଲ୍ଟ୍ରା ଓ୍ବାଇଡ୍ କ୍ୟାମେରା ଏବଂ ୧୦ ଏମପିର ଟେଲିଫୋଟୋ ଲେନ୍ସ ମିଳିବ । ଫୋନରେ ୪୫୦୦ ଏମଏଏଚର ଦମଦାର ବ୍ୟାଟେରୀ ଏବଂ ଓ୍ବେୟାରଲେସ୍ ଚାର୍ଜିଂର ସପୋର୍ଟ ମିଳିବ । ଫୋନର ଜଳରୋଧୀ କ୍ଷମତା ମଧ୍ୟ ରହିଛି ।
ଫୋନ୍ ୩ଟି ରଙ୍ଗରେ ଉପଲବ୍ଧ ହେବ । ଦାମ୍ କଥା କହିବା ତ ଏହାର ୮ଜିବି ଏବଂ ୨୫୬ ଜିବି ଭେରିଏଣ୍ଟର ଦାମ୍ ୨୯,୯୯୯ ଟଙ୍କା ରହିଥିବାବେଳେ ୧୨ ଜିବି ଏବଂ ୨୫୬ ଜିବି ଷ୍ଟୋରେଜ୍ ବିଶିଷ୍ଟ ଭେରିଏଣ୍ଟର ଦାମ୍ ୩୩,୯୯୯ ଟଙ୍କା । ୯ ଏପ୍ରିଲରୁ କମ୍ପାନୀର ଅଫିସିଆଲ ଓ୍ବେବସାଇଟ୍ ଏବଂ ଇ-କମର୍ସ ପ୍ଲାଟଫର୍ମ ପ୍ଲିପକାର୍ଟରେ ଏହାର ବିକ୍ରି ଆରମ୍ଭ ହେବ ।
Comments are closed.