ଇନ୍ଦୋର: କୌଣସି କାରଣରୁ ପିଲାମାନେ କାନ୍ଦିବା ଏକ ସ୍ବାଭାବିକ ଘଟଣା। ତେବେ ଇନ୍ଦୋରର ଜଣେ ମହିଳା ନିଜର କୁନି ଝିଅର କାନ୍ଦକୁ ନେଇ ଏତେ ରାଗି ଯାଇଥିଲେ ଯେ ସମସ୍ତ ହିତାହିତ ଜ୍ଞାନ ଭୁଲିଯାଇ ୨ ବର୍ଷର ଶିଶୁକନ୍ୟାକୁ ପିଟି ପିଟି ହତ୍ୟା କରିଥିବା ଜଣାପଡିଛି। ଏପରି କି କୁନି ଝିଅର ଜନ୍ମିଦନରେ ତାକୁ ହତ୍ୟା କରାଯାଇଥିବା ଘଟଣାକୁ ତୀବ୍ର ନିନ୍ଦା କରାଯାଇଛି।
ଶୁକ୍ରବାର ଏହି ଝିଅର ଜନ୍ମିଦନ ଥିଲା। କୌଣସି କାରଣରୁ ଝିଅଟି କାନ୍ଦିବା ଆରମ୍ଭ କରିଥିଲା। ମାଆ ତାକୁ ଶାନ୍ତ କରାଇବାକୁ ଉଦ୍ୟମ କରିଥିଲେ ସୁଦ୍ଧା ସେ ଚୁପ୍ ହୋଇନଥିଲା। ବେଳକୁ ବେଳ କାନ୍ଦଣା ଜୋର ଧରିବାରୁ ମହିଳାଙ୍କ ଧୈର୍ଯ୍ୟଚ୍ୟୁତି ଘଟିଥିଲା। କ୍ରୋଧାନ୍ବିତ ଅବସ୍ଥାରେ ସେ ଏକ ବାଡିରେ ଝିଅର ମୁଣ୍ଡକୁ ଜୋରରେ ପିଟିଦେଇଥିଲେ। ଏଥିରେ ଶିଶୁକନ୍ୟାର ମୃତ୍ୟୁ ଘଟିଥିଲା। ଝିଅର ବାପା ସନ୍ଧ୍ୟାରେ ଘରକୁ ଫେରିବା ପରେ ଝିଅର ମୃତଦେହ ଦେଖି ବିସ୍ମିତ ହୋଇପଡିଥିଲେ। ସେ ତୁରନ୍ତ ନିକଟସ୍ଥ ଥାନାରେ ଏତଲା ଦାଏର କରିଥିଲେ। ପୁଲିସ ଉକ୍ତ ମହିଳାଙ୍କୁ ଗିରଫ କରିଥିବା ଜଣାପଡିଛି।
