ଚଣ୍ଡୀଗଡ- ଗାୟକ ତଥା କଂଗ୍ରେସ ନେତା ସିଦ୍ଧୁ ମୁଜେଓ୍ୱାଲାଙ୍କୁ ଗତ କିଛିଦିନ ତଳେ ଗୁଳିମାରି ହତ୍ୟା କରାଯାଇଥିଲା । ଏହାକୁ ନେଇ ପଞ୍ଜାବରେ ବିରୋଧ ପ୍ରଦର୍ଶନ କରିଥିଲେ । ଶନିବାରରେ ମୁଜେଓ୍ୱାଲାଙ୍କ ପିତାମାତା କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଛନ୍ତି ।
ଏହି ସମୟରେ ସିଦ୍ଧୁ ମୁଜେଓ୍ୱାଲାଙ୍କ ପରିବାର ଲୋକ ଏହି ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିବା ସହ ଦୋଷୀମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି କରିଛନ୍ତି ।
ଏହି ସାକ୍ଷାତ ଆଲୋଚନା ପରେ ସମୁଜେଓ୍ୱାଲାଙ୍କ ପରିବାର ଲୋକ ସେମାନଙ୍କର ପୈତୃକ ଗ୍ରାମକୁ ଫେରିଆସିଥିଲେ ।
ସୂଚନାଯୋଗ୍ୟ ପଞ୍ଜାବର ମନସା ଠାରେ ପଞ୍ଜାବୀ ଗାୟକ ତଥା କଂଗ୍ରେସ ନେତା ସିଦ୍ଧୁ ମୁଜେଓ୍ୱାଲା ଗୁଳି କରି ହତ୍ୟା କରାଯାଇଥିଲା । ଅଜ୍ଞାତ ବ୍ୟକ୍ତିଙ୍କ ଗୁଳିରେ ଗୁରୁତର ମୁଜେଓ୍ୱାଲାଙ୍କୁ ମନସା ହସ୍ପିଟାଲକୁ ଅଣାଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ତାଙ୍କୁ ପଞ୍ଜାବ ପୁଲିସ ଯୋଗାଇ ଦେଇଥିବା ସୁରକ୍ଷା ବ୍ୟବସ୍ଥା କିଛିଦିନ ତଳେ ପ୍ରତ୍ୟାହାର କରିନେବା ପରେ ଏହି ହତ୍ୟାକାଣ୍ଡ ଘଟିଥିଲା। ପଞ୍ଜାବ ପୁଲିସ ଅନ୍ୟ ୪୨୪ ଜଣଙ୍କ ସୁରକ୍ଷା ପ୍ରତ୍ୟାହାର କରିଥିଲା। , ଗାୟକ ସିଦ୍ଧୁ ମୁଜେଓ୍ୱାଲାପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ଗତ ବର୍ଷ ଡିସେମ୍ବରରେ କଂଗ୍ରେସ ଦଳରେ ଯୋଗ ଦେଇଥିଲେ।
