ରେଙ୍ଗାଲିକ୍ୟାମ୍ପ : ଆଜି ସମ୍ପନ୍ନ ହୋଇଯାଇଛି ପଠାଣି ସାମନ୍ତ ଗଣିତ ମେଧା ବୃତ୍ତି ପରୀକ୍ଷା । ଅତାବିରା ବ୍ଲକରେ ଦୁଇଟି ପରୀକ୍ଷାକେନ୍ଦ୍ରରେ ଚଳିତ ଶିକ୍ଷା ବର୍ଷ ପାଇଁ ଷଷ୍ଠ ଓ ନବମ ଉଭୟ ଶ୍ରେଣୀର ୩୦୮ ଜଣ ଛାତ୍ରଛାତ୍ରୀ ଏହି ପରୀକ୍ଷା ଦେଇଥିବା ଜଣାପଡ଼ିଛି। ଅତାବିରା ଉଚ୍ଚ ବିଦ୍ୟାଳୟ ପରୀକ୍ଷାକେନ୍ଦ୍ରରେ ଷଷ୍ଠ ଶ୍ରେଣୀର ୭୨ ଜଣ ପରୀକ୍ଷା ଦେଇଥିବା ବେଳେ ୩୪ ଜଣ ଅନୁପସ୍ଥିତ ରହିଥିଲେ ଓ ନବମ ଶ୍ରେଣୀର ୭୦ ଜଣ ପରୀକ୍ଷା ଦେଇଥିବାବେଳେ ୧୧ ଜଣ ଅନୁପସ୍ଥିତ ଥିଲେ । ଠିକ୍ ସେହିପରି ସରକାରୀ ଉଚ୍ଚ ବାଳିକା ବିଦ୍ୟାଳୟ ପରୀକ୍ଷା କେନ୍ଦ୍ରରେ ଷଷ୍ଠ ଶ୍ରେଣୀର ୬୪ ଜଣ ପରୀକ୍ଷା ଦେଇଥିବାବେଳେ ୫ ଅନୁପସ୍ଥିତ ରହିଥିଲେ ଓ ନବମ ଶ୍ରେଣୀର ୧୦୨ ଜଣ ପରୀକ୍ଷା ଦେଇଥିବା ବେଳେ ୫ ଜଣ ଅନୁପସ୍ଥିତ ଥିଲେ । ଉଭୟ କେନ୍ଦ୍ରରେ ମୋଟ ୩୦୮ ଜଣ ପରୀକ୍ଷା ଦେଇଥିଲେ । ସୁପରିଟେଣ୍ଡେଣ୍ଟ ଭାବେ ଉଭୟ ପରୀକ୍ଷାକେନ୍ଦ୍ରର ପ୍ରଧାନଶିକ୍ଷକ ମନୋଜ ହରପାଲ ଓ ସୁରେନ୍ଦ୍ର ବେହେରା ଦାୟିତ୍ଵ ତୁଲାଇଥିଲେ । ଶିକ୍ଷୟତ୍ରୀ ପଦ୍ମାଳୟା ଭୋଇ, ସୁପ୍ରଭା ସାହୁ, ଅଂଶୁମାଳା ମିଶ୍ର, ଗୀତାଞ୍ଜଳି ବେହେରା, ବିନୋଦିନୀ ଭୋଇ, ପ୍ରତିମା ପ୍ରଧାନ, ରଜନୀ ଭୁଏ ପ୍ରମୁଖ ସହଯୋଗ କରିଥିଲେ । ଉଭୟ କେନ୍ଦ୍ରରେ ଶାନ୍ତି ଶୃଙ୍ଖଳା ଭାବେ ଏହି ପରୀକ୍ଷା ଶେଷ ହୋଇଥିବା ଜଣାପଡିଛି ।
Popular Categories
Previous article
Next article