ଆଠଗଡ: ଲୋକଙ୍କୁ ଗୋଡାଇ ହଇରାଣ, ହରକତ ଓ ଆକ୍ରମଣ କରୁଥିବା ଏକ ମାଙ୍କଡକୁ ବନ ବିଭାଗ ଟ୍ରାଙ୍କୁଲାଇଜ କରି କାବୁ କରିଛି। ଆଠଗଡ ବ୍ଲକର ରାଧାଗୋବିନ୍ଦପୁର ପଞ୍ଚାୟତ ଅନ୍ତର୍ଗତ ଷୋଳଘରିଆ ଗ୍ରାମରେ ଏକ ହନୁମାଙ୍କଡ କିଛି ଦିନ ଧରି ଉତ୍ପାତ କରୁଥିଲା। ପିଲାମାନେ ବିଦ୍ୟାଳୟ ଯିବା ତଥା ସାଧାରଣ ଲୋକ ଦୈନନ୍ଦିନ କାର୍ଯ୍ୟ ବେଳେ ଲୋକଙ୍କୁ ହଇରାଣ କରୁଥିବା ତଥା ଖାଦ୍ୟ ଛଡାଇବା ସହ ଆକ୍ରମଣ ମଧ୍ଯ କରୁଥିଲା। ଉକ୍ତ ମାମାଙ୍କଡକୁ ନେଇ ଗ୍ରାମବାସୀ ବିଶେଷକରି ମହିଳା ଓ ଶିଶୁ ଭୟଭୀତ ହେଉଥିଲେ। ଏ ବିଷୟରେ ଗ୍ରାମବାସୀ ଉପଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଥିଲେ। ଉପଜିଲ୍ଲାପାଳଙ୍କୁ ଅଭିଯୋଗ ପରେ ବନ ବିଭାଗ ତତ୍ପରତା ପ୍ରକାଶ କରିଥିଲା। ସଦର ବନପାଳ ଆଶିଷ ନାୟକ, ବନରକ୍ଷୀ ପ୍ରିୟମ୍ବଦା ମହାନ୍ତି ଏବଂ ଢେଙ୍କାନାଳରୁ ଆସିଥିବା ବନବିଭାଗର ସ୍ଵତନ୍ତ୍ର ଦଳ ଘଟଣାସ୍ଥଳରେ ପହଞ୍ଚିବା ପରେ ମାଙ୍କଡକୁ ଧରିବାକୁ ଉଦ୍ୟମ କରି ସଫଳ ହୋଇଥିଲେ। ମାଙ୍କଡଟିକୁ ଟ୍ରାଙ୍କୁଲାଇଜ(ନିଶା ଇଂଜେକ୍ସନ) କରାଯାଇ କାବୁ କରାଯିବା ପରେ ବଡମ୍ବା ଅଞ୍ଚଳର ଘଞ୍ଚ ଜଙ୍ଗଲରେ ଛଡାଯାଇଥିବା ବନବିଭାଗ ସୂତ୍ରରୁ ପ୍ରକାଶ।
Popular Categories
Previous article
Next article