ସମାଜ ଡିଜିଟାଲ ଡେସ୍କ: ରାମ ନାମ ଶୁଣି ନାଚିଲା ମାଙ୍କଡ଼। ଭଜନ ଗାଉଥିବା ମହିଳାଙ୍କ ନିକଟକୁ ଆସି ତାଙ୍କ କୋଳରେ ବସିଲା ଏବଂ ଆଲିଙ୍ଗନ କଲା। କଥା ଏତିକିରେ ସରିଲା ନାହିଁ। ମହିଳାଙ୍କ ଭଜନ ତାଳେ ତାଳେ ମାଙ୍କଡ଼ଟି ମୁଣ୍ଡକୁ ହଲାଇ ଝୁମି ଉଠିଲା। ଏଭଳି ଏକ ରୋଚକ ଦୃଶ୍ୟର ଭିଡିଓ ସମାଜିକ ଗଣମାଧ୍ୟମରେ ପ୍ରଘଟ ହେବାରେ ଲାଗିଛି।
Pata nahi kis roop mein aa kar Bhagwan aur Bhakt mil jaayenge 🙏🏻 pic.twitter.com/sIfWv55n1K
— Yo Yo Funny Singh (@moronhumor) August 27, 2024
ଭିଡିଓରେ ଦେଖିବାକୁ ମିଳିଛି ଯେ, ଜଣେ ମହିଳା ଏକ ରେଷ୍ଟୁରାଣ୍ଟକୁ ଭୋଜନ କରିବାକୁ ଯାଇଥିବାବେଳେ ଚୌକି ଉପରେ ବସି ହରେ ରାମ, ହରେ କୃଷ୍ଣ… ଭଜନ ଗାଉଛନ୍ତି। କିଛି ସମୟ ପରେ ବାହାରୁ ଏକ ମାଙ୍କଡ଼ ଆସି ସେଠାରେ ପହଞ୍ଚିଥିଲା। ପ୍ରଥମେ ମାଙ୍କଡ଼ଟି ମହିଳାଙ୍କ ସାମ୍ନାରେ ପଡ଼ିଥିବା ଡାଇନିଂ ଟେବୁଲ ଉପରେ ବସି ଭଜନ ଶୁଣିଲା। ପରେ ତାଙ୍କ କୋଳରେ ବସି ଆଲିଙ୍ଗନ କରି ଭଜନ ତାଳେ ତାଳେ ନାଚି ଉଠିଲା। ସାମାଜିକ ଗଣମାଧ୍ୟମରେ ଅନେକ ଲୋକ ଏହାକୁ ନେଇ ନିଜ ନିଜ ମନ୍ତବ୍ୟ ଦେଇଛନ୍ତି।
