ଫେରିଲେ ମୋଦି: ସୀମାରେ ଶାନ୍ତି ପାଇଁ ସହମତି

ନୂଆଦିଲ୍ଲୀ: ଦୁଇଦିନିଆ ଚୀନ୍‍ ଗସ୍ତ ସାରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତ ଫେରୁଛନ୍ତି। ଗସ୍ତକୁ ଅନୌପଚାରିକ କୁହାଯାଉଥିଲେ ହେଁ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ସ୍ଥାନ ପାଇଛି। ବିଶେଷକରି ଦ୍ୱିପାକ୍ଷିକ ଶାନ୍ତି,ସହାବସ୍ଥାନ, ବାଣିଜ୍ୟ, ସଂସ୍କୃତି ଓ ଆର୍ଥିକ ଅଭିବୃଦ୍ଧି ପାଇଁ ଦୁଇ ଦେଶ ମିଳିତ ଭାବେ କାମ କରିବେ ବୋଲି କହିଛନ୍ତି। ଦୁଇ ଦେଶର ସୀମାରେ ଦେଖାଦେଇଥିବା ଉତ୍ତେଜନା ପ୍ରଶମନ ପାଇଁ ଉଦ୍ୟମକୁ ଉଲ୍ଲେଖନୀୟ ବୋଲି କୁହାଯାଉଛି। ସୀମାରେ ଶାନ୍ତି ରକ୍ଷା ପାଇଁ ଉଭୟ ରାଷ୍ଟ୍ର ସହମତି ପ୍ରକାଶ କରିଛନ୍ତି। ଡୋକଲାମ୍‍ ବିବାଦ ଦୃଷ୍ଟିରୁ ଏହି ବୈଠକ ଅନେକ ଗୁରୁତ୍ୱ ବହନ କରୁଥିଲା। ସୀମା ବିବାଦ ସଂକ୍ରାନ୍ତରେ ବିଧିବଦ୍ଧ ଘୋଷଣା ହୋଇ ନ ଥିଲେ ହେଁ ସେନାବାହିନୀକୁ ଶାନ୍ତି ରକ୍ଷା ପାଇଁ ନିର୍ଦେଶ ଦିଆଯିବ ବୋଲି ମୋଦି ଓ ଜିନ୍‍ପିଙ୍ଗ କହିଛନ୍ତି।