ନିଯୁକ୍ତି ସମ୍ପର୍କରେ ମୋଦୀଙ୍କ ଗଣିତ ଅଗ୍ରହଣୀୟ – ରାହୁଲ

ନୂଆଦିଲ୍ଲୀ: ୧୦୮ ଜଣ ଅର୍ଥଶାସ୍ତ୍ରୀ ଏବଂ ସମାଜ ବିଜ୍ଞାନୀଙ୍କ ଦ୍ୱାରା ନିଯୁକ୍ତି ସମ୍ପର୍କିତ ସରକାରଙ୍କ ରିପୋର୍ଟ ଉପରେ ଅବିଶ୍ୱାସ ପ୍ରକାଶ ପରେ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କହିଛନ୍ତି, ମୋଦୀ ବାସ୍ତବ ତଥ୍ୟ ଲୁଚେଇବାକୁ ଚେଷ୍ଟା କରୁଛନ୍ତି। ରାହୁଲ ସାମାଜିକ ଗଣମାଧ୍ୟମରେ ଏକ ପୋଷ୍ଟରେ ଲାହିଛନ୍ତି ଯେ, ନିଯୁକ୍ତି ଉପରେ ମୋଦୀଙ୍କ ଅପରାଧିକ ବିଫଳତାର ବାସ୍ତବତାକୁ ଲୁଚେଇବାକୁ ଚେଷ୍ଟା କରାଯାଉଛି। ଏହି ପ୍ରସଙ୍ଗରେ ଏନଡିଏ ସରକାରକୁ ସମାଲୋଚନା କରି ପୁର୍ବତନ କେନ୍ଦ୍ର ମନ୍ତ୍ରୀ ପି. ଚିଦମ୍ବରମ କହିଛନ୍ତି ଯେ ତଥ୍ୟ ଲୁଚେଇବା ଓ ସଠିକ ସୂଚନା ଉପରେ ରୋକ ଲଗେଇବାକୁ ବିଦ୍ୱାନମାନେ ନାପସନ୍ଦ କରିଛନ୍ତି।