ସିମୁଳିଆ : ପଞ୍ଚାୟତ ସ୍ତରୀୟ ସଂଘରେ ଦୁର୍ନୀତି ହୋଇଥିବା ନେଇ ମିଶନ ଶକ୍ତି କାର୍ଯ୍ୟାଳୟରେ ତାଲା ପକାଇଲେ ସ୍ୱୟଂସହାୟିକା ମହିଳା । ବାଲେଶ୍ବର ଜିଲା ସିମୁଳିଆ ବ୍ଳକ ଶ୍ୟାମସୁନ୍ଦରପୁର ପଞ୍ଚାୟତର ସଂଘର ଇସି ସଭ୍ୟା ମିନର୍ଭା ମହାନ୍ତି ଭିଆର୍ପି ଓ ଅନିତା ମହାନ୍ତି ସିଏଲଫର ସଭାପତି ଥାଇ ମୁଖ୍ୟମନ୍ତ୍ରୀ ବସର କଣ୍ଡକ୍ଟର ଭାବରେ ଦୁଇଟି ପଦବୀରେ କାର୍ଯ୍ୟ କରୁଛନ୍ତି । ଦୁଇଟି ପଦଵୀ ଦାୟିତ୍ବରେ ରହିବା ହେତୁ କାର୍ଯ୍ୟ ଠିକ ଭାବେ ତୁଲାଇ ପାରୁ ନ ଥିବାରୁ ସଙ୍ଘର ମହିଳାମାନେ ସଙ୍ଘର ଋଣ ଠିକ ସମୟରେ ପାଇ ପାରୁ ନ ଥିବାରୁ ଏବଂ ସଂଘର ଦୁର୍ନୀତି ନେଇ ସିମୁଳିଆ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ଅଭିଯୋଗ କରିଥିଲେ । ଆଜି ତାର ପ୍ରତିବାଦରେ କିଛି ସ୍ଵଂୟସହାୟିକା ଗୋଷ୍ଠୀର ମହିଳାମାନେ ଶ୍ୟାମସୁନ୍ଦରପୁର ପଞ୍ଚାୟତର ମିଶନ ଶକ୍ତି ଗୃହକୁ ତାଲା ପକାଇ ଦେଇଥିଲେ । ଏ ବାବଦରେ ବିପିଏମ ଅନୁରାଧା ରାୟଙ୍କୁ ପଚାରିବାରୁ ସେ ଅଭିଯୋଗ ପାଇଥିବା ପ୍ରକାଶ କରିଥିଲେ । ବାତ୍ୟା ପାଇଁ ବିଳମ୍ବ ହୋଇଛି ତେବେ ଘଟଣାର ତୁରନ୍ତ ସମାଧାନ କରିବେ ବୋଲି ସେ ପ୍ରକାଶ କରିଥିଲେ ।
Popular Categories
Previous article
Next article