ପାଟଣା : ନାବାଳିକା ଛାତ୍ରୀକୁ ଦୁଷ୍କର୍ମ ଅଭିଯୋଗରେ ବିବାହିତ ଯୁବକକୁ ଖୁଣ୍ଟରେ ବାନ୍ଧିଲେ ଉତ୍ୟକ୍ତ ଗ୍ରାମବାସୀ। ଉଦ୍ଧାର କଲା ପୋଲିସ୍। ଏଭଳି ଲଜ୍ୟାଜନକ ଘଟଣା ଘଟିଛି କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ମୁରୁସୁଆଁ ଅଞ୍ଚଳର ଏକ ଗ୍ରାମରେ।
ସୂଚନା ଅନୁଯାୟୀ, ଗତକାଲି ରାତି ପାଖାପାଖି ୮ଟା ସମୟରେ ଗ୍ରାମର ଜଣେ ବିବାହିତ ଯୁବକ ଜଣେ ୧୩ ବର୍ଷିୟା ଅଷ୍ଟମ ଶ୍ରେଣୀର ଆଦିବାସୀ ଛାତ୍ରୀକୁ ପାଖ ଜଙ୍ଗଲକୁ ନେଇ ଦୁଷ୍କର୍ମ କରିଥିଲା। କୌଣସି ମତେ ନାବାଳିକା ଛାତ୍ରୀଜଣଙ୍କ ସେଠାରୁ ଖସି ଆସି ପରିବାର ଲୋକଙ୍କୁ ଘଟଣା ସମ୍ପର୍କରେ ଜଣାଇଥିଲା। ଘଟଣା ଜଣାପଡିବା ପରେ ଗ୍ରାମରେ ଉତେଜନା ପ୍ରକାଶ ପାଇବା ସହ ଉତ୍ୟକ୍ତ ଲୋକମାନେ ସଂପୃକ୍ତ ବିବାହିତ ଯୁବକର ଘରକୁ ରାତିସାରା ଘେରାଉ କରି ରଖିଥିଲେ। ଆଜି ସକାଳୁ ସଂପୃକ୍ତ ଯୁବକକୁ ଉତ୍ୟକ୍ତ ଲୋକମାନେ ଉତ୍ତମ ମଧ୍ୟମ ଦେବା ସହ ଓ୍ବାଡ ମେମ୍ବରଙ୍କ ଉପସ୍ଥିତିରେ ଘରୁ ବାହାର କରି କ୍ଲବ ଘରର ଏକ ପିଲର ଖୁଣ୍ଟରେ ବାନ୍ଧି ତୁରୁମୁଙ୍ଗା ପୋଲିସକୁ ଖବର ଦେଇଥିଲେ। ଘଟଣା ସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ଉତ୍ୟକ୍ତ ଲୋକଙ୍କ କବଳରୁ ସଂପୃକ୍ତ ବିବାହିତ ଯୁବକକୁ ଉଦ୍ଧାର କରି ଥାନାକୁ ନେଇ ଘଟଣାର ତଦନ୍ତ ଆରମ୍ଭ କରିଛି।
Comments are closed.