ନୂଆଦିଲ୍ଲୀ : ପ୍ରତିବର୍ଷ ଭଳି ଚଳିତବର୍ଷ ମଧ୍ୟ ଚୀନର ସ୍ମାର୍ଟଫୋନ କମ୍ପାନୀ ଜିଓମି ଏମଆଇ ଫ୍ୟାନ ଫେଷ୍ଟିଭାଲର ଆୟୋଜିତ କରିଛି। ଏହାର ଆରମ୍ଭ ଏପ୍ରିଲ ୪ତାରିଖ ରାତିରୁ ଆରମ୍ଭ ହୋଇ ସାରିଛି। ଯାହା ଏପ୍ରିଲ ୬ରେ ଶେଷ ହେବ। ଏହି ସେଲରେ ପୋକୋ ଏଫ-୧, ଏମଆଇ ଟିଭି ଭଳି ଜିନିଷ ଉପରେ ରିଆତି ମିଳିବ। ଏହାବ୍ୟତୀତ ମାତ୍ର ୧ଟଙ୍କାରେ ୪୮ମେଗାପିକ୍ସେଲ କ୍ୟାମେରା ଥିବା ରେଡମି ନୋଟ-୭ ପ୍ରୋ ମଧ୍ୟ ପାଇପାରିବେ। ତେବେ ଆସନ୍ତୁ ଏହି ଅଫର ବିଷୟରେ ଅଧିକ କିଛି ଜାଣିବା।
ସର୍ବପ୍ରଥମେ ଆପଣଙ୍କୁ କହିରଖୁଛୁ, ସିଓମିର ଏହି ସେଲ ଏମଆଇ ଡଟ୍ କମ ବ୍ୟତୀତ ଅଫଲାଇନ ଷ୍ଟୋର ଏବଂ ଅନଲାଇନ ଷ୍ଟୋର ଫ୍ଲିପକାର୍ଟ, ଆମାଜନରେ ଉପଲବ୍ଧ ରହିଛି। ଏହି ସେଲରେ ପୋକୋ ଏଫ-୧ର ୬ଜିବି ରାମ ଏବଂ ୧୨୮ଜିବି ଷ୍ଟୋରେଜର ୨୨ହଜାର ୯୯୯ଟଙ୍କା ମୂଲ୍ୟର ଫୋନକୁ ୨୦ହଜାର ୯୯୯ଟଙ୍କାରେ କିଣିପାରିବେ।
ଏହାବ୍ୟତୀତ ଏହି ସେଲରେ ରେଡମି ନୋଟ-୫ପ୍ରୋର ୪ଜିବି ରାମ + ୬୪ଜିବି ଷ୍ଟୋରେଜ ଥିବା ଫୋନ ୧୦ହଜାର ୯୯୯ଟଙ୍କା ଏବଂ ୬ଜିବି ରାମ ଥିବା ମଡେଲ ଫୋନକୁ ୧୧ହଜାର ୯୯୯ଟଙ୍କାରେ କିଣିପାରିବେ। ରେଡମି ନୋଟ-୬ପ୍ରୋର ୧୩ହଜାର ୯୯୯ଟଙ୍କାର ଫୋନକୁ ରିଆତି ଦ୍ୱାରା ୧୦ହଜାର ୯୯୯ଟଙ୍କାରେ କିଣିପାରିବେ।
ଏହି ସେଲରେ ରେଡମି ନୋଟ-୭, ରେଡମି ନୋଟ-୭ପ୍ରୋ ଏବଂ ରେଡମି ଗୋ ମଧ୍ୟ ମିଳିବ। ଏହାସହିତ ରେଡମି-୬, ରେଡମି-୬ପ୍ରୋ, ରେଡମି-୬ଏ ଏବଂ ରେଡମି ୱାଇ-୨କୁ ରିଆତିର ସହ କିଣିପାରିବେ। ଏହି ସେଲରେ ଏମଆଇର ଏଚଆରଏକ୍ସ ଏଡିସନ ବ୍ୟାଣ୍ଡ ୯୯୯ଟଙ୍କାରେ କିଣିପାରିବେ।
